Isiyaasi 40:22 - Kafa Linguistics Project

²² Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.

Isiyaasi 40:22 ပူးပေါင်းရင်းမြစ်များ

Halloo 1:6

Ebiyee gubb, Yeeri “Aacinaꞌo gutte daggooch gumoo tunebe; hini are gumoo aaconaa aaconon qoodibe” iye.

Iyoobi 22:14

Gumee toommona bi shaꞌe beetaa, manderee dunneti qubo, bi ciinaachemmoyich qeri bajjemmone’ iyine.

Iyoobi 26:7

Yeeri, amaalli xaaꞌooch dambi-waani shimaayoon yaggiye; amaalli hullooch showoon kotiihe;

Iyoobi 36:29

Biyoo ebiyoommi gommona asheenaꞌon qeejjii beetone; maayoonoo woddiiꞌi boonoshich immii beetone. Yeeri quboon aabichiꞌi bi yaggiibeeto gaata, bi qeyi xaaꞌoochaa aabichiꞌi bi gigeebeeto gaata, shalligoon hakkemmo konine? Bi guudoona xeeyo xeejjemmoyich tuniihe; aachi dechi duchoonoo qeriye.

Iyoobi 37:18

gooshoo ukkoommon ukkaa shuuneeti, kupphe heeraawoommi shimaayoon bi yaggiyooba, ne, biinna tookkaa shuunoon hakkitine?

Iyoobi 9:8

Bi ikkeeto shimaayoon yaggitone; aachi aayon bi baatoona neexxii beetone.

Shoddo 104:2

Bekkoon tahoochoommon taheto neene; shimaayoonoo duukkaanoochoommon yaggito neene.

Shoddo 18:11

Bi guudoon manderoo qeremmoyich tuniihe; aacona ceenniti, dunne qubo bi guudoona tunehe.

Shoddo 19:4

Tunebaani boonoshi gettiti qaaro showoo bulliich shaggiye; showee tuggooch beddaahaanoo waayeehe. Biyoo aaboyich shimaayooch duukkaanoon xogitone.

Shoddo 2:4

Shimaayeexi bi qeenooch koteto miiccemmone; Doono boonoshin coonemmone.

Shoddo 29:10

Doono Yeeri ceeni aachi toommooch taatetone; Doono Yeeri bulli yemeenoon bi taatee qeenooch kotetone.

Shoddo 68:33

Wonnee wonneecho tuneti shimaayee toommona hammii beetoyich, ooge qaaroona gigee beetoyich, shoddebote.

Shaahiyoo 8:27

Shimaayoon Doono Yeeri yaggiyooba, waarwaare aaconaa gumoonochi danoon bi daarehooba, arooch beeti taane.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 37:16

“Kiruubenaꞌoyee tookk kotaabeeti, Israꞌeelee Nuggishoo Beshe Mawe Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Isiyaasi 40:15

Ebiyoche aageteenaꞌo baaretooch beeti aachi cotoomminaꞌone; machee toommooch beeti quttoomminaꞌone; buure showeenaꞌonoo quttoochoommon tiijjiye.

Isiyaasi 40:17

Doono Yeeri aafoochaa aageteenaꞌo bulli, mooch haddeyaaneenaꞌone; boonoshiyoo bi aafoochaa am bedaaneenaꞌonaa gaacaalleenaꞌonane.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 10:12

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Haddoo 13:33

Nefiliimeenaꞌonoo arooch beeggeto noone. (Anaaqeenaꞌo shiijjeto Nefiliimeenaꞌo waaneeniye.) Boonoshi aafoochaa noon no ciinigaata, gechooniye no shaahaa beeto; ebin shaahaaniye no ciichaabeeto” iyeete.