Isiyaasi 40:18 - Kafa Linguistics Project

¹⁸ Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 40:18 ပူးပေါင်းရင်းမြစ်များ

Iyoobi 40:9

Ta mochoommi mochoo neech beete? Ta qaaro gigoommon, ne qaaro gigeebeete?

Shoddo 113:5

Damba koteto, showoonaa shimaayoonon ciinoyich yittiibeeto, no Nuggishoo Doono Yeeriyoommo koni beete?

Shoddo 89:6

Shimaayooch Doono Yeerin shaahemmo konine? Shimaayeexi halleenaꞌo daggooch Doono Yeerina tatemmo konine?

Shoddo 89:7

Shimaajji iitee daggoochaa Yeeri shattiitone; bi guudoona beetinaꞌo bulliyee beshoon oogoonaa shattiitonane.

Shoddo 89:8

Beshe Mawe Nuggishoo Doono Yeero, neenoommi hakkecho konine? Doono Yeero, ne bulli mooyona gibeneeto neene.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 9:14

Ebi tuno qayigaata, neennaa ne iraasheenaꞌonochi toommooch, wotta ne asheenaꞌo toommoochoo ta naxo bullin daakkiree kindiyemmo taane; ebiyoo showee toommo bulliich taanoommo koniyoona aallo bi tunoon ne ariyemmoyichiye.

Isiyaasi 40:25

“Ishigaata taan, konina tookkii toyiihote? Konina tookkii tachiyote?” iye Yaafoo tuneti Yeeri.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 46:5

“Taan konina shaahiihote? Koninoo tachiyote? No shaaheyemmoyich konina taan toyiihote?

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Erimiyaasi 10:1

Israꞌeelee kechi asheenaꞌote! Doono Yeeri ittoshich gettiibeeti qaaroon waayebote!

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yibbaatoo 4:15

Muusi Israꞌeeleenaꞌoyich ishichiye: “Doono Yeeri Kooreebi guudoochaa, qaaqqee daggoochaa ittoshich bi yibbaatehooba, bi shaahoon beegaano ittoshine. Ebich ittoshi qelloon ariibote!

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.