Isiyaasi 40:15 - Kafa Linguistics Project

¹⁵ Ebiyoche aageteenaꞌo baaretooch beeti aachi cotoomminaꞌone; machee toommooch beeti quttoomminaꞌone; buure showeenaꞌonoo quttoochoommon tiijjiye.

Isiyaasi 40:15 ပူးပေါင်းရင်းမြစ်များ

Halloo 10:5

Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shoddo 62:9

Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 17:13

Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

Isiyaasi 2:22

Bi hiinno muddooch beeti ashoon gibeneyaahote; aroo amoyichona gaacaachemmone.

Isiyaasi 29:5

Tunebaani meeti ne etteenaꞌo qacini buttoommon tunemminaꞌone; meeti mulli manjeenaꞌoo beshee hammiibeeti maayi maaxxoochoommon diqqoona aallemminaꞌone.

Isiyaasi 40:22

Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.

Isiyaasi 41:5

“Buure showooch beetinaꞌo ta tuniiton beeggii shattiyeete; showee tuggooch beetinaꞌoo qeweheete; ikkooch kiceeꞌi waaheete.

Isiyaasi 59:18

Boonoshi shuuni shuunoommon boonoshich qoccemmone; bi etteenaꞌo toommooch naxoon, bi shixechinaꞌo toommoochoo kaaroon kindiyemmone; baharee gasheexi buure showeexinaꞌoyichoo boonoshi shuunetoommon shuunemmone.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Daaneeli 11:18

Aroyee gubb baharee gashooch beeti showeenaꞌon koyiree meetinaꞌon yechemmone. Tunebaani ikke ginee iraashoo biin koyi wochiree bi geecoon aalliyemmone; ebi taatoo geecoona bi tuniiti mooyo, bi toommooch bi wottemmoyich tuniyemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.