Isiyaasi 4:4 - Kafa Linguistics Project

⁴ Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Isiyaasi 4:4 ပူးပေါင်းရင်းမြစ်များ

Shoddo 51:2

Ta gondo bullin maye; ta axaaxoochee taan xalliibe.

Solomooni 3:11

Tsiyooni gidiideenaꞌote, wobote; bi gaarooba, bi oogichii emiriti aabooba, bi indee ukiiti gubbichoon uketi, Taatoo Solomoonin ciinote.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 1:31

Kupphe asho galloommon, bi shuunoo qaaqqee xeeroommon tunemmone; guttiyona tookki miccemminaꞌone; qaaqqoonoo takkemmo aalloone.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 28:6

Nallee gabberooch kotetoyich kaachii nallee ayaanoon, katemee uxeree kelloon ginoochee quyee beetinaꞌoyich hakkoon immemmone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Erimiyaasi 9:6

Xuꞌee toommooch xuꞌoon, maree toommooch maroon, daakkiyeete; taan ariyemmonoo qajjiyeete” iye Doono Yeeri.

Shoosho 1:9

Bi eeꞌo bi qamisee toommooch bekkehe; bi ciiro amo gaata ariyaaneene; ebich gonde dihoon dihiyan; biin goggiyemmonoo muccahan. Biyoo “Doono Yeero, ta duꞌoon beege! Etto taan kochii wochitone” iyan.

Hiziqeeli 22:15

Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hiziqeeli 36:29

Ittoshi eeꞌo bulliichee ittoshin wodiyemmo taane; maayo ittoshich bi woddemmoyich geto beshiyemmo taane; ebiyee bekk shaacoon ittoshi toommooch deebaachemmo taane.

Yoꞌeeli 3:21

Hanaach beddaahaa ta gaacaani, xalle ashi damee nichoon kichemmo taane; Doono Yeeri ta, Tsiyoon beeyemmo taane” iye.

Sofoniyaasi 3:1

Hukkechi, eeꞌeti, boonoshi hajjee asheenaꞌon xuqqiibeeti Yerusaalemi asheenaꞌoyich woowo!

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.