Isiyaasi 39:2 - Kafa Linguistics Project

² Hiziqiyaasiyoo wocheyechinaꞌon emiroona iibbiihe; bi taatee kechi ginjabeetooch beeto bullin, ebiyoo aachoon, birewoon, qimaamoon, shittoonaa ginee qiico bullinon boonoshich bekkiihe. Bi taatee kexooch tuneba, bi showee daggooch beeti gaannoochee boonoshich bi bekkiyaani amee mooyolla aalloone.

Isiyaasi 39:2 ပူးပေါင်းရင်းမြစ်များ

1 Taateenaꞌo 10:10

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.

1 Taateenaꞌo 10:15

Ebiyoo giixechinaꞌo waanee, gabiyee guudeenaꞌo waanee, Arabee taateenaꞌo bullinaa woraaferasheenaꞌona waanee giyii beeton daakkaanooniye.

1 Taateenaꞌo 10:2

Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

1 Taateenaꞌo 10:25

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

2 Taateenaꞌo 20:13

Hiziqiyaasiyoo wocheyechinaꞌon emiroona iibbiihe; bi taatee kechi ginjabeetooch beeto bullin, ebiyoo aachoon, birewoon, qimaamoon, shittoonaa ginee qiicoonon boonoshich bekkiihe. Bi taatee kexoochee tuneba, bi showee daggooch beeti gaannoochee boonoshich bi bekkiyaani amee mooyolla aalloone.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

2 Kiinoo 32:27

Hiziqiyaasich wodde gaannoonaa oogoona beetone. Birewoonaa aachoonon, aaxxe xaqqoonaa qimaamoonon, gaachoonaa aaxxe qiico bullinon bi kotiyemmi qiicee kexinaꞌon shuunehe.

2 Kiinoo 32:31

Tunebaani Baabloonee iraasheenaꞌochi wocheyechinaꞌo bi showooch tuneti mooyon biin echeya bi waan boonoshi waahooba, Doono Yeeri biin beegga, bi mullooch beetonoo ariiya bi qaawitoyich biin qajjiye.

2 Kiinoo 9:1

Sheebee taatee worganikkiti Solomoonichi shalligoon waayaꞌa, turitoona biin phireya waahan. Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

2 Kiinoo 9:9

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi gaawe qimaamo ciroona aalloone.

Iyoobi 31:25

shuunaa ta danetona, ta gaannee woddoona, geecaa ariyaano taane.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

1 Yowannisi 1:8

“Axaaxoo nooch aalloone” no getigaata, wochaa no qellooniye no dawushaa beeto; iberoo no mullooch aalloone.