Isiyaasi 39:1 - Kafa Linguistics Project

¹ Ebiyooba Baabloonee taatoo, Balidaanichi bushoo Merodaak Balidaani Hiziqiyaasi biiyeꞌi wodoon bi waayetoyich, bi wocheyechinaꞌo kishoona wojjoonaa koorichoonon Hiziqiyaasich deejjiye.

Isiyaasi 39:1 ပူးပေါင်းရင်းမြစ်များ

2 Saameeli 10:2

Daawitiyoo “Bi nihoo Nahaashi taach deeti deꞌoommon, bi bushoo Hanuunich deemo taach qaawiihe” iye. Ebina bi nihoochi eefon bi cacheyoon boonoshi gettemmoyich, Daawiti bi asheenaꞌon wochee daachiihe. Daawitichi asheenaꞌo Amoonee showooch hammii shaggiyeete.

2 Saameeli 8:10

Hadadezeeri Tooꞌina tookkii wodde kaalloon koyeebee echetone. Biyoo taatoo Daawitin bi diggiyemmonaa Hadadezeerin kochii bi wochitoyich biin bi galletemmonoyich, bi bushoo Yoraamin daachiihe. Yoraamiyoo aachoochee, birewoonaa gooshoonoochee shuuneeti qiiceenaꞌon Daawitich deebiye.

2 Kiinoo 32:23

Meeti asheenaꞌoo Doono Yeerich wojjoon yechiꞌi, Yerusaalem waa beeheete. Yihudee taatoo Hiziqiyaasichoo aaxxe mooyon immii beeheete. Aroobee tiijjiꞌi aageteenaꞌo Hiziqiyaasich oogoon immii beeheete.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

2 Kiinoo 32:31

Tunebaani Baabloonee iraasheenaꞌochi wocheyechinaꞌo bi showooch tuneti mooyon biin echeya bi waan boonoshi waahooba, Doono Yeeri biin beegga, bi mullooch beetonoo ariiya bi qaawitoyich biin qajjiye.

Isiyaasi 13:1

Amootsi bushoo Isiyaasi Doono Yeer waanee beeggiꞌi Baabloonichon bi gettiti wocho ebine:

Isiyaasi 13:19

Taatittineenaꞌochi ooge, Kalideenaꞌochi geecee tuneti Baabloonin, Doono Yeeri ta, Sodoominaa Gomoorinochoommon guuppemmo taane.

Isiyaasi 14:4

Baabloonee taatoo toommooch ishichibee coonemmo neene: “Neexxii hajjito aabichiꞌi kashehe! Ebiyee gubb koninolla hajjaachemmone.

Isiyaasi 23:13

Baabloonee showoon ciinote; are showeexi asheenaꞌo aalletinaꞌone; Asooreenaꞌo boonoshi showoon kubbi cooxinaꞌochi kuppee budon tuniitinaꞌone; arooch boonoshi dilaaloon shuuneheete; mishigeenaꞌon happiꞌi showoon xaqqee gutoon tuniiheete.