Isiyaasi 38:3 - Kafa Linguistics Project

³ Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Isiyaasi 38:3 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 6:9

Noohi mooyo ebine: Noohi Sheemi, Kaaminaa Yafeetina getteebeeti keejje anaami bushiishoon shiyihe. Biyoo bi yemeeneexi shiijjeree daggoochee cadiqe ashoonaa Yeerich deꞌa ii beetonane. Noohi Yeerina tookkii ikkotteꞌi beehe.

1 Taateenaꞌo 15:14

Aasi guudi toommeexi goyinnee xaaꞌeenaꞌon ciroona aalliyoo bi qajjitaanona, kashoona bi beeti yemeeno bulliich ceeni bi mulloona Doono Yeerich gibeneetone.

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

2 Taateenaꞌo 18:3

Bi qaabbechi Daawiti tuniitoommon, biyoo Doono Yeeri aafooch kaame mooyon tuniihe.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

1 Kiinoo 29:9

Asheenaꞌo boonoshi hajjee daaggoona boonoshi immitoyich, boonoshi ceeni mulloona Doono Yeerich boonoshi giddiitoyich, emiriyeete. Taatoo Daawitiyoo oogichii emiriye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 25:2

Amasiyaasi Doono Yeeri aafooch kaame mooyon tuniihe; tunebaani bi ceeni mulloona toonoone.

Iziri 10:1

Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Nehimi 13:14

Ta Nuggishoocho, ebich taan gabibe. Ta Nuggishoo ne kexonaa arooch shuuneebeeti maddoonoyich ta shuuneti deꞌe shuunoon ne macaafoochee hidi aalliyaahine.

Nehimi 13:22

Leweenaꞌo shambetee aaboon yaafeeton tuniiree boonoshi quyiyemmoyich, boonoshi qelloon boonoshi xalliyemmonaa kelleenaꞌon waaree boonoshi quyemmonoyich getteho. Ta Nuggishoocho, ebich wotta taan gabibe; ne maaree woddoommon taach ariqqebe.

Nehimi 13:31

taajji taajjee aabooba waabeeti shookkeyemmi michichonaa maayi cilloochonon qociiho. Ta Nuggishoocho, deꞌoon taach gabibe.

Nehimi 5:19

Ta Nuggishoocho, hini asheenaꞌoyich ta tuniito bullich deꞌoon taach gabibe.

Shoddo 101:2

Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.

Shoddo 102:9

Tulloon maayoochoommon maahoye; ta acimoonoo ta uyoona bacciyoye.

Shoddo 119:80

Ta yeelleyaachemmoyich, ta mullo ne qociyoona xalloo tunebe.

Shoddo 16:8

Bulli aaboon Doono Yeerin ta aafooch shiichiihoye; ta qanne badd bi beetoyich taan shuurikkemmo aalloone.

Shoddo 26:3

Ebiyoo ne shoodo ta aafooch bi tunetoyichiye; neen gibenoona shaaddehoye.

Shoddo 32:2

Doono Yeeri bi axaaxoon haddaani, bi kashooch dawushoo aalli, asho diireetone.

Shoddo 6:6

Gaashillaabee maraateto taane; xumi xumoon ta qeenooch acimoon dudiihoye; ta qoyoonoo acimoona wooriihoye.

Shoddo 6:8

Doono Yeeri ta eeppi qaaroon bi waayetoyich, gonde shuunechinaꞌote, ta waanee wohote.

Isiyaasi 38:2

Hiziqiyaasiyoo bi aafoon daabbo waan wochiichii, Doono Yeer waan corootiye.

Isiyaasi 38:4

Aroochee Doono Yeeri Isiyaasich ishichiye:

Hosee'i 12:4

Maraakoona tookkii qiicceꞌinoo beshiye. Diiroon danoyich eeppiꞌi qollehe. Beeteelaa Yeerina danehe. Aroochaanoo Yeeri biinna yibbaatehe.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Yibbaatoo 6:18

Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.