Isiyaasi 37:22 - Kafa Linguistics Project

²² Bi toommooch Doono Yeeri gettiti qaaro ebine: “ ‘Tsiyooni gidiide maache bushee neen hoxemmine; neen coonemmine. Woci ne beetaa, Yerusaalemi gidiidee ne toommooch qeeqqeremmine.

Isiyaasi 37:22 ပူးပေါင်းရင်းမြစ်များ

2 Taateenaꞌo 19:21

Bi toommooch Doono Yeeri gettiti qaaro ebine: “ ‘Tsiyooni gidiide maache bushee neen hoxemmine; neen coonemmine. Woci ne beetaa, Yerusaalemi gidiidee ne toommooch qeeqqeremmine.

Iyoobi 16:4

Ta xaaꞌooch ittoshi tunemmo gaata, tawoo ittoshichoommon yibbaatoon hakkesho taane; yibbaatoon geechi genjiibee, qelloon qeeqqeriibee yibbaatoon hakkesho taane.

Shoddo 31:18

Cadiqo toommooch aafee kupphoona yibbaateebeeti, geecoonaa hoxoona ceenniti, koottiibeeti heciyeenaꞌo tippebeete.

Shoddo 9:14

Ebin ne tuniigaata, Tsiyooni addibaaboochaa ne galleto bullin gettemmo taane; taan ne wodiyoona emiremmo taane.

Isiyaasi 1:8

Tsiyooni maache bushee baach woyinee budooch beeti yambaaroochoommon, buqqee budooch beeti bashoochoommon (yambaaroochoommon), giicheti katemoommonoo shaahaa echetine.

Isiyaasi 10:32

Hanaach, etto bi beeto Noobi katemoochiye; aroochaa Tsiyooni maache busheechi geppee toommooch, Yerusaalemi katemee toommooch miichoona bi kishoon shuurikkii beetone.

Isiyaasi 23:12

Ishichiinoo iye: “Xukketi Sidooni asheenaꞌote, ebiyee bekk emiriyaahote; tiyii Qoophiroos ittoshi hammitaanona arooch kashe koteyaachemmo ittoshine” iye.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Erimiyaasi 14:17

“Ebi qaaroon boonoshich ishichi gete: ‘Ta asheenaꞌo, oogichii boonoshi tiishetoyich, qaaꞌi mayona boonoshi yexxetoyich, ta aafo kuxaanoon xumoonaa areddoonon acimoon ukkii beetone.

Erimiyaasi 18:16

Boonoshi naboona boonoshi showoo shokko echeto, wuche getteetoo tunemmone; aroona besheebeeto bulli giireyemmone; bi qelloonoo qeeqqeriyemmone.

Shoosho 1:15

“Doono, ta ginee anaaminaꞌo bullin duppiye; ta gurimaasheenaꞌon buricoyich, ta toommooch ginee naayinaꞌon kiciye; oppoochaa woyinoon kotoommon Doono Yihudee asheenaꞌon kotehe.

Shoosho 2:13

Yerusaalemi asheenaꞌote, ittoshichon ama getote? Amoona ittoshin shaahiibote? Ittoshin goggiyoyich amoona tachibote? Ittoshi aallo baharoommi gamino bi tunetoyich, ittoshin wodiyemmo konine?

Shoosho 2:15

Gommon beshee beetinaꞌo bulli ittoshi toommooch kishoon koppeheete; Yerusaalemi asheenaꞌochi toommooch shokkeheete; “Malletee balli, showoo bulli emiriibeeti katemee, ebine?” iibee qelloon qeeqqereheete.

Amootsi 5:2

“Gidiideyoommi Israꞌeeli dihiyane; dihiichaa tiyemmon mawiihane; bi hajjee showoochaa duppahane; biin tiijjemmo aallehe” iyaꞌa shoddaabeeto taane.

Sofoniyaasi 3:14

Israꞌeeleenaꞌote, emiroona shodde ililibote! Yerusaalemi asheenaꞌote, mulloochee tiijjiree, oogichi emiribote!

Zakaariyaasi 2:10

Doono Yeeri ishichiye: “Yerusaalemi asheenaꞌote, ta, waaree ittoshi daggooch beeyemmo ta tunetoyich shoddebote; emirishoo getote” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 27:39

Aroona besheebeeti gommechinaꞌo boonoshi qelloon shuurikkiibee Yesuusin naageheete.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.