Isiyaasi 37:16 - Kafa Linguistics Project

¹⁶ “Kiruubenaꞌoyee tookk kotaabeeti, Israꞌeelee Nuggishoo Beshe Mawe Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Isiyaasi 37:16 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

2 Saameeli 7:26

Ne shigo bulli yemeenoon oogeton tunemmone. Asheenaꞌo ‘Beshe Mawe Doono Yeeri Israꞌeelee Nuggishoone’ gettemminaꞌone. Tayee gubb woyemmi, ne guuno ta kechi asheenaꞌo ne aafooch manjoo tunemminaꞌone.

1 Taateenaꞌo 18:32

Ebi xaqqeenaꞌona Doono Yeerichi shigoyich deejjee gudoon shuunehe; ebi deejjee gudee guudoona ikke baaretee aacon yechi bede oppoon iijjiye.

1 Taateenaꞌo 8:6

Qeesheenaꞌo Doono Yeerichi wogee taabootoon yaafee kexooch beeti bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

2 Taateenaꞌo 5:15

Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.

Iziri 1:3

Bi asheenaꞌoochee ittoshi daggooch beeti asho koniyoona Yihudee showooch beeti Yerusaalem, damba hambe; bi Nuggishoo biinna tookki tunebe. Yerusaalem beeti, Nuggishoo, biyoo Israꞌeelee Nuggishoo Doono Yeerichi kexon hage.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 86:10

Ebiyoo oogoo ne tunetoyich, worganeeti mooyonoo ne tuniitoyichiye; ne ikkeeto baach Nuggishoo neene.

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Isiyaasi 37:15

Aroochee Hiziqiyaasi Doono Yeer waan corootiye:

Isiyaasi 37:20

Andoo no Nuggishoo Doono Yeero, showee taateenaꞌo bullichi Nuggishoo, Doono Yeeri ne ikkeeto baach ne tunoon boonoshi ariyemmoyich, bi kishoochee noon wodiibe” iye.

Isiyaasi 40:22

Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Isiyaasi 8:13

Tunebaani Beshe Mawe Doono Yeeri ta, yaafoo ta tunoon gabibote; ittoshi shattemmo taan baachiye; ittoshi keqqemmoo taach baachiye.

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Qolaasiyaasi 1:16

bekkee beetinaꞌonaa bekkeyaaneenaꞌona, taatittino tuneba woyee doonjittino tuneba woyee iraashittino tuneba woyee ukkirittino tuneba showoonaa shimaayoonooch beetinaꞌo bulli biinna halleetinaꞌone. Bulli mooyo biinna halleetone; biichoo halleetone.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

1 Saameeli 4:4

Ebich ginee naayinaꞌo Shilooha asheenaꞌon wocheheete. Kiruubeenaꞌoyee tookk tuneꞌi taateebeeti, Beshe Mawe Doono Yeerichi wogee taabootoon aroochee deebiyeete. Eelichi gutte bushiisheenaꞌo, Hoofininaa Finihaasina, Yeerichi wogee taabootoona tookkii arooch waaheete.