Isiyaasi 34:9 - Kafa Linguistics Project

⁹ Edoomee showeexi aacinaꞌo reenjoon tunemminaꞌone; showoo waagera shaddeyemmone; showoo bulliichoo qaaqqoo aaxxemmone.

Isiyaasi 34:9 ပူးပေါင်းရင်းမြစ်များ

Halloo 19:28

Sodoominaa Gomoorinon, wotta arooch beeti, bakkeexi showoo bullin dugilla ciinniꞌi, aroochee cufoo miceexi qaaqqee booddoo keyoommon, kechii beetaa beeggiye.

Iyoobi 18:15

Asho koniyoona bi kexooch giyiree kotemmone; waageroo bi kechi daggooch shacceyemmone.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Erimiyaasi 49:13

Botsiri wuche getteyemmo, naaggeyemmo, qixeyemmonaa ufo tunemmona bi tunoon taanna wogehoye, iye Doono Yeeri. Bi katemeenaꞌoo bulli aaboon shokkoon echemminaꞌone” iye.

Luqaasi 17:29

Tunebaani Looxi Sodoomee bi kechiti aabooba shimaayoochee qaaqqoonaa waageroona dihiꞌi hini are katemooch beetinaꞌo bullin aalliitone.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.