Isiyaasi 34:6 - Kafa Linguistics Project

⁶ Doono Yeeri Botsiraa deejjoon, Edoomaa oogeti meechi bashoon bi qanniitoyich, Doono Yeerichi goraado damoona muureetone; awuyonoo michitone. Deejjee bagee baaddoonaa emmishoonochi damoon, ooge bagee baaddoochi yeyitee awuyonoo michitone.

Isiyaasi 34:6 ပူးပေါင်းရင်းမြစ်များ

2 Saameeli 1:22

Yonaataanichi maꞌoona awureeti shango wuxaanoon wotteyaano, Saaꞌoolichi goraado ariqqaalloon wuxii ciichiibeeto, giidechon yexxii dichiibeeto, ettoonoo wuxii beetone.

1 Kiinoo 1:44

Belaahi qititoyee gubb, Botsiree asho, Zaari bushoo Yobaabi bi xaaꞌooch kereeꞌi taatehe.

Shoddo 137:7

Doono Yeero, Yerusaalemi yechehooba, Edoomee asheenaꞌo “Happibote, happibote!” boonoshi iton batteyaahine!

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 34:5

Ta goraado bi digaayemmi wottoon shimaayoochaa uchitone; Edoomeenaꞌo toommooch, aallebeete ta iti asheenaꞌonochi toommoochoo nalliya kindemmone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Isiyaasi 63:3

“Ta ikkeeto baach oppoochaa woyinoon neexxoye; ashoochee koniyoona taanna tookkii aalloone; ta kaaroona boonoshin neexxoye; ta naxoona boonoshin yiikkehoye; boonoshi damoo ta tahooch wuceehe; ta taho bullinoo wooriihoye.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 12:12

Baraheexi shokkaache geppeenaꞌo bulliich bokkeenaꞌo waatinaꞌone; Doono Yeerichi goraado, ikke daaroochee tiijjii bare daarooch beddaahaa maabeeto bi tunetoyich, meeno taheto bullich diggoo aalloone.

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Erimiyaasi 46:10

Ebi aabo Beshe Mawe Nuggishoo Doono Yeeri aaboone; bi etteenaꞌo toommooch nichoon bi gaaccemmi aaboone. Bi goraado bi michimmi wottoon maayemmone; bi shachewoo tooqqimmi wottoon damoon uchemmone. Ebiyoo Beshe Mawe Nuggishoo Doono Yeeri dambi-waan, Efiraaxisee aachi gashooch deejjoon deejjemmo bi tunetoyichiye.

Erimiyaasi 49:13

Botsiri wuche getteyemmo, naaggeyemmo, qixeyemmonaa ufo tunemmona bi tunoon taanna wogehoye, iye Doono Yeeri. Bi katemeenaꞌoo bulli aaboon shokkoon echemminaꞌone” iye.

Erimiyaasi 49:7

Edoomichon Beshe Mawe Doono Yeeri ishichiye: “Temaani katemooch ariyoo aalloone? Shalligechinaꞌo waanee ciico aalletone? Boonoshi ariyoo ciiretone?

Erimiyaasi 50:27

Bi gubbeneenaꞌo bullin guuribote; guuree xaaꞌooch desh kindibeete; boonoshi naxeyemmi yemeeno, boonoshi aabo shaggitoyich boonoshich woowo!

Erimiyaasi 51:40

Bagee bushiisheenaꞌochoommon, bagee baaddeenaꞌonaa emmishee baaddeenaꞌonochoommon, guuree xaaꞌooch boonoshin deebemmo taane.

Hiziqeeli 21:10

Guuroyich gayireetone; xeeyoochoommon waccoyichoo yoppheetone. Aabichiree emirehone? Ebi goraado ta bushoo taatee gumboon bare mixinaꞌochoommon qallayitone.

Hiziqeeli 35:15

Israꞌeelee macceenaꞌochi iristo shokko echetaa ne emiritoyich tawoo ebiyoommon ne toommooch tuniyemmo taane. Seyiri guudoocho, neennaa Edoomina bulla shokkoon echemmo ittoshine; ebina boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 35:8

Ne guudinaꞌon guureetinaꞌona ceechemmo taane; ne geppeenaꞌochi, ne bambeenaꞌochi, ne aacinaꞌochi toommo bulliich goraadoona wuxeeti asheenaꞌo dihemminaꞌone.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Sofoniyaasi 1:7

Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.

Yibbaatoo 32:14

Gurimoon miimoochee, ejjoonoo emmishoochee, aangechi bagoonaa emmishoonon, Bashaanee gaaweti bagee baaddoon, gaawe teepphoonaa woyinee uyoonon ittoshich maanjii uchiye.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.