Isiyaasi 33:1 - Kafa Linguistics Project

¹ Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:1 ပူးပေါင်းရင်းမြစ်များ

Shaahiyoo 22:23

Ebiyoo Doono Yeeri boonoshi taggoon taggemmo bi tunetoyichiye; boonoshin boggii beetinaꞌochi kashoon boggemmone.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 14:25

Asoorin ta showee toommoochaa aalliyemmo taane; ta guudi toommoochaanoo neexi kotemmo taane; bi waanjoo ta asheenaꞌo toommoochee tiyemmone; bi shaagoo boonoshi gogoochee kindemmone” iye.

Isiyaasi 17:14

Xum ebiyoche keqqoo tunehe; tunebaani showoo haroyee shiichiree aallemminaꞌone; noon kochii, boggii beetinaꞌo toommooch tunemmi mooyo ebine.

Isiyaasi 21:2

Shattiibeeti yaaꞌoo taach bekkehe; ebiyoo beshii imonaa aalloonane. Elaamee ginee naayinaꞌote, tibote. Meedoonee ginee naayinaꞌote, katemoon giishote. Baabloonichi naboona shaggiti xuuxo bullin Yeeri aalliyemmone.

Isiyaasi 24:16

“Cadiqo tuneti biich oogo tunebe” immi shoddo showee tuggoochee waayeyemmone. Tunebaani ta, “Dallito taane; dallaa muujjeto taane; taach woowo! Dawushechinaꞌo dawushitinaꞌone; boonoshi dawushoonoo beshii beshii hammitinaꞌone” iyo.

Isiyaasi 31:8

Asooreenaꞌo ashicho tuneyaani goraadoona dihemminaꞌone; ashicho tuneyaani goraado boonoshin maayemmone; goraadee aafoochee woccemminaꞌone; boonoshi gurimaasheenaꞌo guunon tuneree maddemminaꞌone.

Isiyaasi 48:8

Ta gettaa beeton waayoon, ariyoonoo qaawaano ittoshine; wonnee tiijjiꞌi ittoshi waamo qecheyaanoone; ittoshi shiijjoochee tiijjiꞌi dawushecho ittoshi tunoon, hukkecho getaa ittoshi ceekkoonoo, ariyaabeeto taane.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Yaaꞌoo 13:10

Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 17:17

Yeeri bi gaboon boonoshi tuniyemmoyich, bi gettiti mooyo ceennimmi wottoon ikke kashoon tuneree boonoshi taatittinoon cooxoyich boonoshi guudii immemmoyich, bi gabiti gaboon boonoshi mullooch kotiitone.

Woraaferasheenaꞌo 1:7

Adon Bezeeqiyoo “Boonoshi kishee indecheenaꞌonaa baatee indecheenaꞌona kucheti shabe taateenaꞌo ta madee ooyoon maciibee echetinaꞌone. Ebi boonoshi toommooch ta tuniitoommon, Yeeri ta toommooch tuniitone” iye. Biinoo Yerusaalem daammiyeete. Biyoo aroochaa qitiye.

Woraaferasheenaꞌo 9:23

Yeeriyoo Abimeleekinaa Shekeemi asheenaꞌonon kaariyemmi yinnoon deejjiye. Boonoshiyoo Abimeleeki toommooch hukkoon tiijjiyeete.