Isiyaasi 32:7 - Kafa Linguistics Project

⁷ Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.

Isiyaasi 32:7 ပူးပေါင်းရင်းမြစ်များ

Shoddo 119:95

Gondeenaꞌo taan aalliyoyich ottiyeete; tunebaani ta, ne sheeroon kichaa kindiyaa gabiyoye.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 26:10

Gonde asho gaawe aafoona bi ciichetaanona, cadiqoon doyaache; kaameenaꞌo showoochaanolla, gonde mooyon tuniihe; Doono Yeerichi oogoon shalligaache.

Isiyaasi 29:21

Ashoon gondii beetinaꞌo, taggee xaaꞌoochaa ashich olloon ollee beetinaꞌo, koote miixoona xalle ashi dayinnetoon dabii beetinaꞌo aallemminaꞌone.

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 59:15

Iberoo aalletone; gondoochee wokkimmo, bareenaꞌochi kuppee budo tunemmone” iyeete. Doono Yeeri ebin beeggiye; dayinneto aalletoyich ayiniye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Mikiyaasi 2:1

Gondoon shuunoyich kichii kindiibee, tokketaalli aafoona qeyii beetinaꞌoyich woowo! Hakkoo boonoshich bi beetoyich, ebi aroon showoo harimmona tuniiheete.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Maatiyoosi 26:4

Yesuusin maroona yechiyoyich, wuxiyoyichoo echeeheete.