Isiyaasi 32:6 - Kafa Linguistics Project

⁶ Yeexeroo yeexeree yibbaatoon yibbaatehe; bi mullo gondoon gabiye; Yeeri aalli mooyon tuniihe; Doono Yeerichon koote mooyon yibbaatehe; shaacetoyich maanjaache; shachewetoyichoo uchaache.

Isiyaasi 32:6 ပူးပေါင်းရင်းမြစ်များ

Shoddo 141:4

Gondeenaꞌona tookki gondoon shuunoona ta guuphaachemmoyich, ta mulloon gondooch gaꞌiiyaahine; boonoshi gifiroon boonoshina tookki maayaayona.

Shaahiyoo 19:3

Asho bi beemon tuushoona duubiichii, bi mulloona Doono Yeerin gondiihe.

Shaahiyoo 24:7

Shalligoo tuushoyich oogeti wohone; biyoo iitoochaa eciya tippoon tunehe.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 26:10

Gonde asho gaawe aafoona bi ciichetaanona, cadiqoon doyaache; kaameenaꞌo showoochaanolla, gonde mooyon tuniihe; Doono Yeerichi oogoon shalligaache.

Isiyaasi 3:15

Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.

Isiyaasi 31:2

Tunebaani Doono Yeeri ariyechone; naxoon deebemmone; bi qaaroon shaddaachemmone; gondeenaꞌochi kechi asheenaꞌo toommooch, axaaxoon shuunee beetinaꞌon gaachee beetinaꞌochi toommoochoo tiyemmone.

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 59:7

Boonoshi baatoo gondooch wocciye; xalle damoon ukkoyich afaafineheete; boonoshi gaboo gonde gaboone; aalliyoonaa happoona boonoshi gommooch beetone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 13:23

Iberoochaa Topphiyee asho bi malletoon, maahoo bi shashoon shaddoon hakkehe? Ebi tuno hakkeegaata, gondoon shuuno doyiti ittoshi, gaawe mooyon tuniyoon hakkemmo ittoshine.

Hiziqeeli 34:18

Eche ittoshi gaddoon baatoona ittoshi neexxito gaawe gaddoochee mamo ittoshich giishetenane? Eche aacon baatoona ittoshi qudiito gaawe aacon uyo ittoshich giishetenane?

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Amootsi 8:6

Teepphee ooyoonona gaawe gatiyoona kemmesho noone. Girechinaꞌon boonoshi hiishoyich, ebi hiishoo caammee gatiya bedaani gijjoo bi tunetaanoona qoco boonoshi mawiitaa, boonoshin guuno tunii hajjemmo noone” iꞌi gabiyote.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

1 Saameeli 24:13

Wonnee asheenaꞌochi tochoochaa ‘Gonde asheenaꞌo waanee gonde mooyo kechiye’ getteetone; tunebaani ta ne toommooch amee gondoonona tuniyaachemmo taane.