Isiyaasi 32:2 - Kafa Linguistics Project

² Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 32:2 ပူးပေါင်းရင်းမြစ်များ

Shoddo 143:9

Doono Yeero, ne shoobooch ta giyetoyich, ta etteenaꞌo waanee taan wodiibe.

Shoddo 32:7

Ne taach aashee xaaꞌoo neene; xuuxoochee taan quyemmo neene; wudee danee shoddoon ta guudoona tuniihine.

Shoddo 63:1

Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 16:3

Moꞌabee wocheyechinaꞌo Yihudee asheenaꞌoyich, “Noon boyebote; no nalloon nallibote. Aabee qellayooch, ittoshi yiiroo xumi manderoochoommon no toommooch yiirebe; yookketi noon aachibote; noon beshiiree immaahote.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 41:18

Shuuqqiti geppeenaꞌoochee aaco, bambeenaꞌo daggoochee aachi xuupho, kechemmoyich tuniyemmo taane. Barahoon aachi gejjoon, baggiti showoonoo aachi tunoon, tuniyemmo taane.

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Isiyaasi 43:20

Kaacheti ta asheenaꞌo uchemmoyich aacon barahoochaa, woce aacon shuuꞌi showoochaa ta immetoyich kubbi cooxinaꞌo taan oogiyemminaꞌone; boqqelleenaꞌonaa shaakkeenaꞌonoo taan galletemminaꞌone.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 33:14

Doono Yeeri ishichiye: “Israꞌeelee yareenaꞌonaa Yihudee yareenaꞌonoyich ta gibenikkiti gibeno bi ceennemmi aabo woyemmone.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.