Isiyaasi 32:18 - Kafa Linguistics Project

¹⁸ Ta asheenaꞌo diggoo ceenniti beeyi xaaꞌooch, diggee xaaꞌooch, tooqqii kashee xaaꞌooch beeyemminaꞌone.

Isiyaasi 32:18 ပူးပေါင်းရင်းမြစ်များ

Shoddo 107:7

Boonoshi beeyemmi katemooch kaame gommona boonoshin yaabiye.

Keyo 9:26

Israꞌeeleenaꞌo beeti Gooshenee showooch baach baderoo kindaanoone.

Shaahiyoo 24:15

Gonde ashichoommon cadiqa ashi kexon ottaahine; bi beeyi xaaꞌoonoo xuqqaahine.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 14:3

Doono Yeeri shooddoochee, xuuxoonaa ne beeti qaaꞌi guuchittinonoochee neen bi kashiihooba,

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Isiyaasi 26:12

Doono Yeero, diggoon nooch immeto neene; no shuunoo bullin nooch kaachito neene.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 28:12

Biyoo boonoshich, “Hini tooqqii kashoone; maraateton kashiibote; hini kashee xaaꞌoone” iye; tunebaani boonoshi waayemmon qajjiyeete.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Isiyaasi 65:21

Asheenaꞌo kexon hagiree arooch beeyemminaꞌone; woyinoon bechiree bi aafoon maayemminaꞌone.

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Zakaariyaasi 3:10

Beshe Mawe Doono Yeeri ishichiye: “Ebiyooba ittoshi asho bi ikkikkoona bi woyinoonaa bi balaasoonochi baatooch tuneechi bi giyoon ataallemmone” iye.

Hibireena'o 4:9

Illa Yeerichi asheenaꞌoyich, shambetee kashoommi kasho batt echetone.

1 Yowannisi 4:16

Ebina Yeeri noon bi shunon ariito noone; iberiitoo noone. Yeeri shunoone; ebich shunoona beeto, Yeerina tookki beeyemmone; Yeeriyoo biinna tookki beeyemmone.