Isiyaasi 32:10 - Kafa Linguistics Project

¹⁰ Hini keqqaalloon koteti maacheenaꞌote, woyino aafeyaachemmo, maayi aafo maceyemmi gooroo waataachemmo bi tunetoyich, nato beshemmona, qewemmo ittoshine.

Isiyaasi 32:10 ပူးပေါင်းရင်းမြစ်များ

Isiyaasi 16:10

Emiroonaa wucwucona aafeebeeti goyee budoochee wokkitone; woyinee budoochaanoo shoddoon shoddoonaa ililoona echetone; woyinee aafoon oppoochaa hiicciibeeto aalloone; boonoshi shoddee qaaroon Yeeri aalliitone.

Isiyaasi 7:23

Aroobee yemeenooch hume sheqeelee birewa bede, hume woyinee qomboo beeti budon guccinonaa angixona bullemmone.

Erimiyaasi 8:13

Doono Yeeri ishichiye: “Boonoshin aalliyemmo taane; boonoshiyoo aafaalli woyinee qomboomminaꞌone; aafaalli, bi waamoo shuuqqiti balaasee mixoomminaꞌone. Ebich boonoshich ta immeto boonoshi kishoochee muriccemmone” iye.

Hosee'i 2:12

‘Ta shunechinaꞌo waanee ta daneti gatiyoone’ bi ii beeti, woyinee qomboonaa balaasee mixinaꞌonon aalliyemmo taane. Eboshinoo kubboon tuniyemmo taane. Kubbi cooxinaꞌoo maayemminaꞌone.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Yoꞌeeli 1:12

Woyinee qomboonaa balaasee mixona shuuqqitone; romaanoo, yeebbee mixo, appilo, aafeebeeti mixo bulliyoo shuuqqii qititone; ebich emiroo ashi waanee wokkitone.

Yoꞌeeli 1:5

Mashechinaꞌote, tiyi eefebote! Woyinee uyoon uchii beetinaꞌote, kewi eefote! Ebiyee gubb, ittoshi noonooch, andire woyinee uyo shagaachemmone.

Yoꞌeeli 1:7

No woyinee qomboon shokko echiiheete; no balaasee mixinaꞌonoo kuxxii aalliiheete; boonoshi ateenaꞌo naccemmi wottoon, gorii kichiyeete.

Imbaaqoomi 3:17

Balaasee mixo aafemmon bi qajjitaanona woyinee qombooch aafo aalletaanona zayitee mixo bi dobbetaanona budooch maayo shago qajjitaanona bago dogoochee ciiretaanona miimo maggooch aalletaanona

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.