Isiyaasi 31:1 - Kafa Linguistics Project

¹ Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 31:1 ပူးပေါင်းရင်းမြစ်များ

Halloo 47:17

Ebich boonoshi gijjeenaꞌon Yooseef waan deebiyeete. Biyoo boonoshi haresheenaꞌo, bageenaꞌo, emmisheenaꞌo, miiminaꞌonaa kureenaꞌonochi shaddee maayoon boonoshich immiye. Boonoshi gijjeenaꞌo bullichi shaddoon boonoshi daneti maayo aroobee nati shaacoochee boonoshin kichiye.

2 Kiinoo 16:7

Ebiyooba yaaꞌechi Hanaani Yihudee taatoo waan waaꞌi, “Ne Nuggishoo Doono Yeerin gibeneyaanoon Sooriyee taatoon ne gibenetoyich Sooriyee taatoochi ginee naayinaꞌo ne kishoochee muriccitinaꞌone.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Shoddo 20:7

Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

Isiyaasi 10:17

Israꞌeeleenaꞌochi bekko tuneti Yeeri boonoshich qaaqqoon tunemmone; Israꞌeelee Yaafoo Yeeri qaaqqee aaxxoon tuneree, ikke areddoon angixonaa guccinonon michi aalliyemmone.

Isiyaasi 2:7

Boonoshi showoo birewoonaa aachoona ceennitone; boonoshi gaanno haddoyee beshitone; boonoshi showooch hareshoo ceennitone; boonoshi gaariyoo haddoyee damboone.

Isiyaasi 20:5

Topphiyoon gibenetinaꞌo, Gibitsina yebenetinaꞌoo keqqemminaꞌone; yeelleshoo getteminaꞌone.

Isiyaasi 22:11

Wonnee aachi oppoochee ufeebeeti aacon kicoyich gutte uxeree daggooch aachi oppoon qanniihote; tunebaani ebi bullin shiichii yameꞌi tuniiti Yeerin gabaano ittoshine.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 36:6

Ebiyoche, Gibitsee taatoon gibeneto ne tunegaata, tiishe shombeqee gumboon gibeneto neene; biyoo bi toommooch degeebeeti ashi kishoon shelleeꞌi kochiibeeti ebi are gumboommone. Gibitsee taatoo biin gibeneebeeto bullich ebiyoommone.

Isiyaasi 36:9

Gibitseenaꞌochi gaarinaꞌonaa hareshechinaꞌonon gibenebee, ta doonochi ginee iraashoochee shotaani ikkoonolla kochii wochoon ne hakkemmo, aabichireeshiye?

Isiyaasi 43:15

Ta, ittoshi Yaafe Nuggishoo, Doono Yeeri taane; Israꞌeelin halliti, ittoshi Taatoo taane” iye.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Isiyaasi 57:9

Zayitoon, wodde shittoonoo yechaꞌa Molook waan hammehine; ne wocheyechinaꞌon wohooch, maash beddaahaa daachiihine.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 17:5

Doono Yeeri ishichiye: “Ashoon gibeneebeeti, meeno taheton deebo tuniibeeti, bi mulloo Doono Yeer waanee bara wotteti asho, uppeton tunebe.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 37:7

“Wocheyechinaꞌoyich, ‘Taan ittoshi echemmoyich ta waan ittoshin wocheti Yihudee taatoyich Israꞌeelee Nuggishoo Doono Yeeri ishichiye: “Ittoshin gaachoyich waati Faroonichi ginee naayinaꞌo boonoshi showooch, Gibits wottemminaꞌone.

Erimiyaasi 42:14

‘Tuneyaache; koyoon no beegaachemmi, shametee qaaroon no waayeyaachemmi, no shaaceyaachemmi Gibits hammemmo noone; aroochoo kotemmo noone’ ittoshi getigaata,

Hiziqeeli 17:15

Tunebaani Yihudee taatoo bi toommooch hukkeꞌi haresheenaꞌonaa meeti ginee naayinaꞌonon bi danemmoyich wocheyechinaꞌon Gibits daachiihe. Biich kaamehe? Ebiyoommi mooyon tuniimmi asho muriccehe? Wogoon happiichi muricon hakkehe?

Hiziqeeli 29:16

Ebiyee bekk Israꞌeelee asheenaꞌo Gibitseenaꞌona degeyaachemminaꞌone. Gibitsi toommooch shaggiti mooyo Israꞌeeleenaꞌo boonoshina degeyoona am shaahoon boonoshi xuqqito gaata boonoshich shalligichoo tunemmone; ebina Israꞌeeleenaꞌo Nuggishoo Doono Yeeri ta tunoon ariyemminaꞌone’ ” iye.

Daaneeli 9:13

Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Hosee'i 11:5

“Ta waan wotto boonoshi qajjitoyich Gibits wottemminaꞌone. Asooree taatoo boonoshin hajjemmone.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Hosee'i 7:7

“Bulliyona gudoochoommon gaamitinaꞌone. Nallii boonoshin qeejjii beetinaꞌon michitinaꞌone. Boonoshi taateenaꞌo bulliyoo qititinaꞌone. Boonoshi daggoochee ta waan cookito koniyoona aalloone” iye.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Yibbaatoo 17:16

Ebi taatoo meeti hareshoon hajjaaye; meeti hareshoon danoyich asheenaꞌon Gibits daachiyaaye. Ebiyoo Doono Yeeri bi asheenaꞌo arooch boonoshi wotteyaachemmoyich bi gettitoyichiye.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.