Isiyaasi 30:26 - Kafa Linguistics Project

²⁶ Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 30:26 ပူးပေါင်းရင်းမြစ်များ

Iyoobi 5:18

Yeeri xoobbii mayii beetone; kaappiꞌi wodii beetone; yexxii tiichii beetone; guucciꞌi wodii beetone.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 19:22

Doono Yeeri Gibitsee showoon yexxemmone; yexiichishoo wochi wodiyemmone; boonoshiyoo Doono Yeer waan wottemminaꞌone; biyoo boonoshi qolloon waayeree boonoshin wodiyemmone.

Isiyaasi 24:23

Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Isiyaasi 30:13

ebi xuꞌo ittoshich, gaaheꞌi diha bedditi, diqqoona kaateꞌi dihiibeeti genje xaqqee uxeroommon tunemmone.

Isiyaasi 30:14

Bi tiishetoyee gubb, qaaqqee boodoyich woyee aachi ooboyich tunemmi gamini gocholla aroochee daneyaani, kewuceti nuuqqee qiicoommon tunemmo ittoshine” iye.

Isiyaasi 33:24

Tsiyoon beechi “Biiyeto taane” gettemmi ikke asholla beetaachemmone; axaaxecho bullich maaroo danemmone.

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Shoosho 2:13

Yerusaalemi asheenaꞌote, ittoshichon ama getote? Amoona ittoshin shaahiibote? Ittoshin goggiyoyich amoona tachibote? Ittoshi aallo baharoommi gamino bi tunetoyich, ittoshin wodiyemmo konine?

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Zakaariyaasi 14:7

Aroobee aabo, areddoonaa xumoona tuneyaani, kuxeyaani areddoo tunemmone. Ebi aabeechon ariibeeto Doono Yeerine. Xum bekko tunemmone.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.