Isiyaasi 30:21 - Kafa Linguistics Project

²¹ Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Isiyaasi 30:21 ပူးပေါင်းရင်းမြစ်များ

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shaahiyoo 4:27

Yoocha qanna gettaahine; ne baatoon gondoochee wochibe.

Isiyaasi 29:24

Ayaanoona muriccitinaꞌo shalligemminaꞌone; guruuxii beetinaꞌo dojjoyich deꞌa gettemminaꞌone” iye.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Yibbaatoo 5:32

“Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.

Yaasi 1:7

Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.

Yaasi 23:6

Ebich kupphebote; yoocha qanna getaanoon Muusichi Sheeree Macaafooch kooreeto bullin quyoonaa ceechoonoyich ittoshin ariibote!

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.