Isiyaasi 30:19 - Kafa Linguistics Project

¹⁹ Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 30:19 ပူးပေါင်းရင်းမြစ်များ

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 58:9

Aroochee ittoshi ceegaa, Doono Yeeri ta eekkemmo taane; cookemmo ittoshine; tawoo ‘Hini tawoche’ gettemmo taane. Ittoshiyoo xuꞌee waanjoon ittoshi wokkiigaata, ashoon kishoona koyonaa gonde yibbaatoonon ittoshi qayigaata,

Isiyaasi 60:20

Ne aabe giyaachemmine; ne agene tahaachemmine; Doono Yeeri bulli yemeenoon ne ceechoo tunemmo bi tunetoyich, ne eeppi yemeeno ciiremmone.

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Isiyaasi 65:24

Taan boonoshi ceegoyee shiichi wochemmo taane; batt yibbaate boonoshi beetaa waayemmo taane.

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Erimiyaasi 30:12

“Doono Yeeri ishichiye: Ne tiisho dogaano, ne mayo wodaanoone.

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Erimiyaasi 31:16

Doono Yeeri ishichiye: “Eefoochee ne qaaroon acimoochee ne aafoon quyebe; ne aayo duube echeyaachemmone” iye Doono Yeeri. “Ne bushiisheenaꞌo ettoochi showoochee wotteree woyemminaꞌone.

Erimiyaasi 31:6

Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 51:10

“Israꞌeeleenaꞌoo ‘Doono Yeeri nooch bi nallitoyich ittoshi waataa, Tsiyoonaa no Nuggishoo Doono Yeerichi shuunoon getone’ gettemminaꞌone.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Mikiyaasi 4:9

Ebi shaahoon oogichii ne cookiibeeto amoyichiye? Maaxoo manjeti ureechoommon gaashillaa ne beeto amoyichiye? Taatoo neech aalle? Ne mikkirechinaꞌo qititeete?

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Yaaꞌoo 5:4

Ebi macaafoon gaxxii yaggoonaa bi daggooch beeton beꞌonoyich beddito koniyoona dano qajjitoyich, oogeton eeppeho.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.