Isiyaasi 30:18 - Kafa Linguistics Project

¹⁸ Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 30:18 ပူးပေါင်းရင်းမြစ်များ

Iyoobi 35:14

Ishigaata, ne mooyon bi aafooch giddiyaꞌa biin quyaabee, ‘Biin beegaano taane’ ne geti beetaa, ne mooyon aabichiree waayeba?

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 34:8

Doono Yeeri deꞌo bi tunoon ciiniree ariibote; bi shoobooch giyiti asho diireetone.

Shoddo 84:12

Beshe Mawe Doono Yeero, neen gibeneebeeti asheenaꞌo diireetinaꞌone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Shaahiyoo 16:20

Ciicoon deqqii beetoyich mooyo kaamehe; Doono Yeerin gibeneebeeto diireetone.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Isiyaasi 33:5

Doono Yeeri bulliyee beshoone; bi beeto damba shimaayoochiye. Biyoo Yerusaalemin dayinnetoona, cadiqoonoo ceechemmone.

Isiyaasi 40:31

Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 42:14

Doono Yeeri ishichiye: “Meeti yemeenoon cikkito taane; haaꞌiyaa cikkaa qajjeto taane; tunebaani and, maaxoo manjeti maachechoommon cookemmo taane; kaami kaama kachaabeeto taane.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Isiyaasi 5:16

Tunebaani Beshe Mawe Doono Yeeri, dayinnetoona nalloona bi oogoon bekkiyemmone; Yaafe Nuggishoo cadiqoona nalloona bi yaafittinoon bekkiyemmone.

Isiyaasi 55:8

Doono Yeeri ishichiye: “Ta gaboo ittoshi gaboommo, ta gommoo ittoshi gommoommo toonoone.

Isiyaasi 57:16

Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Isiyaasi 64:4

Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 17:7

“Doono Yeerin gibeneto, bi gibeno Doono Yeeri tuneto, diireetone.

Erimiyaasi 42:7

Aashire qemoyee gubb, Doono Yeeri Erimiyaasich gettiye.

Daaneeli 12:12

Gibeneeton tuneꞌi, ikke humaa keejje ballaa shaashaa uuche qemo ciiremmi wottoon beemmo diireetone.

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Hosee'i 2:14

“Ebich areen dachiree barahooch daammemmo taane; maanjoona biin yibbaatiyemmo taane.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Milikiyaasi 2:17

Ittoshi yibbaatoona Doono Yeerin shewiito ittoshine. Ittoshiyoo “Aabichaꞌa biin shewiihone?” ito ittoshine. Biin ittoshi shewiito, “Gonde mooyon tuniibeeto bullin Doono Yeeri gaawe aafoona ciinnii beetone; biyoo boonoshina emirii beetone” ittoshi getonane. Biin ittoshi shewiito wotta, “Dayinnetechi Yeeri aaye?” iꞌi echoonane.

Luqaasi 15:20

“Bekkech tiyiꞌi bi nihoo waan hammiye; batt wohooch bi beetaa, bi nihoo ciinniꞌi oogichii ariqqehe; woccii hammii bi qettoona tiqqeꞌi shummiye.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 1:8

Yeeri bi wojjoon nooch woddiihe. Bi ariyoo bullinaa bi shalligoo bullina

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yaaqobi 5:11

Haaꞌiyoona manjitinaꞌon diireetinaꞌone ii beeto noone. Iyoobichi haaꞌiyoon waayeto ittoshine; wotta ciiroochaa Doono Yeeri biich tuniiton beeggito ittoshine; Doono Yeeri oogeti deꞌoonaa ariqqechonane.

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.