Isiyaasi 30:16 - Kafa Linguistics Project

¹⁶ Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 30:16 ပူးပေါင်းရင်းမြစ်များ

2 Taateenaꞌo 25:5

Tunebaani Baabloonee ginee naayinaꞌo taatoo Sedeqiyaasin yookkii dabbiꞌi, Yaariki gaꞌooch beeti gaddoochaa yechiyeete. Bi ginee naayinaꞌo biin duppiichii shaceheete.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Shoddo 147:10

Haresheenaꞌochi kupphittino, ginee naayinaꞌochi giidoo, biin emirikkaache.

Shoddo 33:17

Ginee hareshoona wudoon gibeno duuboone; ginee hareshoo bi giidee beshoona wodiyoon hakkaache.

Isiyaasi 2:7

Boonoshi showoo birewoonaa aachoona ceennitone; boonoshi gaanno haddoyee beshitone; boonoshi showooch hareshoo ceennitone; boonoshi gaariyoo haddoyee damboone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 31:3

Gibitseenaꞌo asheenaꞌoani, nuggisheenaꞌo tooneenaꞌone; boonoshi haresheenaꞌo meenon tahetinaꞌoani, ayaaneenaꞌo tooneenaꞌone; Doono Yeeri bi mochoon bi yaggiyooba, gaacheebeeto tepheyemmone; gaachoon deqqiibeetoo dihemmone; guttiyona aallemminaꞌone.

Erimiyaasi 39:4

Yihudee taatoo Sedeqiyaasinaa bi ginee naayinaꞌo bullina boonoshin beeggiꞌi, woceheete; xumoona taatoochi becheenaꞌo beetona, gutte uxeree daggooch beeti kelloona katemoochee kechiꞌi Yoordaanoosi bamboo waan hammiyeete.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 46:6

Afaafinecho xuuphon hakkaachemmone; ginee anaamo muricaachemmone; dambi-waan, Efiraaxisi aachi gashooch tepheeꞌi dihiyeete.

Erimiyaasi 52:7

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona katemoochee muricciꞌi, gutte uxeree danooch beeti kelloona kechii, taatoochi bechee michi gaꞌoona besheꞌi Yoordaanoosi bamboo waan hammiye.

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Amootsi 9:1

Doonon yaaꞌoona, deejjee gudee gaꞌooch neexeꞌi bi beetaa, beeggeho. Biyoo ishichiye: “Kechi koto bulli shuurimmi wottoon yaafee kechi guummon qice! Tiishi ne getaa, aree daggooch beeti asheenaꞌo bulli toommooch shekirebe. Aroochee echeton ta, goraadoona qecce wuxemmo taane. Boonoshi daggoochee koniyoona aashe echeyaachemmone; koniyoona muricaachemmone.

Mikiyaasi 1:13

Lakishi katemee asheenaꞌote, ittoshi gaarinaꞌochi haresheenaꞌon xandibote! Israꞌeeleenaꞌo shuunetoommi gondoon shuuneto ittoshine; Yerusaalemi asheenaꞌo shuunemmoyichoo tuniito ittoshine.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.