Isiyaasi 30:10 - Kafa Linguistics Project

¹⁰ Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Isiyaasi 30:10 ပူးပေါင်းရင်းမြစ်များ

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:27

Aroochee, ‘Taatoo, “Diggoona ta wottemmi wottoon, ebi uroon cuyee kexooch gedote; dapphe koshonaa aaconoyee besh amoonolla biich immaahote” itone’ getote” iye.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

Iyoobi 41:3

Biin ne gawukkemmoyich neen qollehe? Maanjee qaaroona neech yibbaatehe?

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Erimiyaasi 11:21

“ ‘No kishoona ne qitaachemmoyich, Doono Yeerichi shigoona keemoon nooch keemmaahine’ iꞌi ne kasheen qaawiibeeti, Anaatooti katemee asheenaꞌochon Doono Yeeri ishichiye:

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 26:11

Qeesheenaꞌonaa keemechinaꞌona, ukkireenaꞌonaa asho bullinoyich “Ittoshi hajjee waamona ittoshi waayetoommon, hini katemee toommooch keemoon bi keemmitoyich hini uro qita bedoone” iyeete.

Erimiyaasi 29:27

And neech keemoon keemmiibeeti, Anaatootee asho Erimiyaasin amoyich kaareyaachine?

Erimiyaasi 36:29

Yihudee taatoo Yoyaqiimichoo ishichibe: Doono Yeeri ishichiye: ‘ “Baabloonee taatoo iberoochaa woyemmone; hini showoon, aroochoo beeti ashoonaa gijjoonon aalliyemmone” iyaꞌa ne koorito amoyichiye?’ getona qoddeti macaafoon michito neene.

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Amootsi 2:12

“Tunebaani ittoshi Naazireenaꞌoyich woyinee uyoon uchiyote; keemechinaꞌonoo ‘Ciroona keemmaahote’ iꞌi bajjiyote.

Amootsi 7:13

Tunebaani Beeteeli, taatee goyinnee xaaꞌoonaa taatee showee yaafee kexona bi tunetoyich, guttinnoon hiniichaa keemoon keemmaahine” iye.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Mikiyaasi 2:6

Asheenaꞌo taach ishichiyeete: “Nooch keemmaahine; ebi mooyichon nooch keemmaahine; Yeeri noon giishiyaachemmone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

Yowannisi 8:45

Tunetaa ta iberoon gettaabeeto ta tunetoyich, taan iberiyaachote.

Mishiraachechinaꞌo 4:17

Tunetaa batt waayeyaani asheenaꞌo waayeyaachemmoyich, ebiyee damba konichona hini shigoon tiijjiree boonoshi yibbaateyaachemmoyich, miicheree bayone” iꞌi echeeheete.

Mishiraachechinaꞌo 5:28

“ ‘Hini ittoshi ceeggiibeeti shigoona asheenaꞌoyich dojjiyaahote’ iyaꞌa manjaayaa ittoshich getaano noone? Ebiyoche, Yerusaalem beetinaꞌo bullich bechitote. Are uroochi damee naboona no echeyemmoyich tuniiya qaawiibeeto ittoshine” iye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Galaati 4:16

Illa and iberoon ittoshich ta gettetoyich ittoshich etto tunehote?

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

2 Ximootiyoosi 4:4

Ebich iberoon waayoochee boonoshi waamon bajjemminaꞌone; aroochee tochoon waayoyich shokemminaꞌone.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.

1 Saameeli 9:9

Saaꞌooliyoo bi aafee bushoyich “Ebi gaawe gaboone. Ne waataa hambone” iye. Ebina Yeer asho beeti katemooch hammiyeete. Are katemooch shagoyich geppoon kechiibee, aacon kitta kechiibeeti maache bushiisheenaꞌona daneheete. Boonoshiyoo “Yaaꞌecho hini katemooch beete?” iꞌi echeheete. Wonna Israꞌeeleenaꞌo waanaa ikke asho Yeer waanee eche waayeya bi hamigaata, “Ittoshi waataa yaaꞌecho waan hambone” ii beetone. Ebiyoo keemecho, arooba yaaꞌecho bi gettee beetoyichiye.