Isiyaasi 30:1 - Kafa Linguistics Project

¹ Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 30:1 ပူးပေါင်းရင်းမြစ်များ

2 Taateenaꞌo 18:21

Ebiyoche, and Gibitsee taatoon gibeneto ne tunegaata, tiishe shombeqee gumboon gibeneto neene; biyoo bi toommooch degeebeeti ashi kishoon shelleeꞌi kochiibeeti ebi are gumboommone. Gibitsee taatoo biin gibeneebeeto bullich ebiyoommone.

2 Taateenaꞌo 18:24

Gibitseenaꞌochi gaarinaꞌonaa hareshechinaꞌonon gibenebee, ta doonochi ginee iraashoochee shotaani ikkoonolla kochii wochoon ne hakkemmo, aabichireeshiye?

Shoddo 61:4

Ta kashe yemeeno bullin ne duukkaanooch beebona; ne qoshee dechiichoo aashebona.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 28:20

Ebiyoo, “Bi baatoon carete bi tokketeyaachemmoyich qeeno qaminniye; bi qeddoon bi qeraachemmoyich taho guutiye” getteetoommon ittoshich tunemmone.

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 4:5

Aroochee Doono Yeeri Tsiyooni guudi toommonaa arooch kicee beetinaꞌo bulli toommonooch areddoon quboon, xumoonoo cufoonaa cobcobbiibeeti qaaqqee aaxxoonon deejjemmone. Yeerichi oogee yiiroo are katemee toommooch ooge duukkaanoochoommon yiiremmone.

Isiyaasi 5:18

Axaaxoon dachee woderoona, xuꞌoonoo gaari woderoona geechii beetinaꞌoyich woowo!

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Isiyaasi 8:11

Doono Yeeri giidechi bi kishoon ta toommooch geddiꞌi, ebi asheenaꞌochi gommon ta dabbaachemmoyich taach gettiye; ishichiinoo iye:

Isiyaasi 8:12

“Ebi asheenaꞌo koceyoone ii beeti mooyon koceyoo gettaahote; boonoshi shattiibeeti mooyonoo shati keqqiyaahote.

Isiyaasi 8:19

Asheenaꞌo ittoshin “Daccdacciibeeti, wottoo shaashikkeebeeti qaaxechinaꞌonaa allaameenaꞌonon echebote” gettemminaꞌone. Asheenaꞌo boonoshi Nuggishoon echi bedaacheete? Kashechochon qitoon echo qaawiyehe?

Erimiyaasi 17:5

Doono Yeeri ishichiye: “Ashoon gibeneebeeti, meeno taheton deebo tuniibeeti, bi mulloo Doono Yeer waanee bara wotteti asho, uppeton tunebe.

Erimiyaasi 2:18

Sihoori aacon uyoyich Gibitsee showooch ne hammeto amoon daneyane? Efiraaxisi aacon uyoyich Asooree showooch ne hammeto amoon daneyane?

Erimiyaasi 37:7

“Wocheyechinaꞌoyich, ‘Taan ittoshi echemmoyich ta waan ittoshin wocheti Yihudee taatoyich Israꞌeelee Nuggishoo Doono Yeeri ishichiye: “Ittoshin gaachoyich waati Faroonichi ginee naayinaꞌo boonoshi showooch, Gibits wottemminaꞌone.

Erimiyaasi 4:17

Ta toommooch hukkoon boonoshi tiijjitoyich budeexi maayoon quyeebeeti asheenaꞌochoommon Yerusaalemin giichemminaꞌone” iye Doono Yeeri.

Erimiyaasi 42:19

“Yihudee cureenaꞌote, Doono Yeeri ittoshin ‘Gibits hammaahote’ itone; hanaach ittoshich kupphiyaꞌa ta geton xiishi ariibote.

Erimiyaasi 5:23

Tunebaani ta asho ittoshich babbere wottoo hukkechi mullo beetone; ta gommon qajjiꞌi badd hammito ittoshine.

Hiziqeeli 11:2

Doono Yeeriyoo taach ishichiye: “Ashi bushoocho, ebi asheenaꞌo gonde mooyon yamii beetinaꞌone; hini katemee asheenaꞌoyichoo gonde mooyon koccii beetinaꞌonane.

Hiziqeeli 2:3

Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone.

Hiziqeeli 24:3

Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete: ‘Shexxoon gemmooch ne kotiitoye gubb; aacon arooch hakkebe;

Hiziqeeli 29:16

Ebiyee bekk Israꞌeelee asheenaꞌo Gibitseenaꞌona degeyaachemminaꞌone. Gibitsi toommooch shaggiti mooyo Israꞌeeleenaꞌo boonoshina degeyoona am shaahoon boonoshi xuqqito gaata boonoshich shalligichoo tunemmone; ebina Israꞌeeleenaꞌo Nuggishoo Doono Yeeri ta tunoon ariyemminaꞌone’ ” iye.

Hiziqeeli 3:9

Ta neen shiishe xaqqoyee beshoon kuppho tuniito taane; hukkechinaꞌo boonoshi tunetaanoona boonoshich shattaahine; boonoshi sheexoyichoo keqqiyaahine” iye.

Hosee'i 11:6

Boonoshi katemeenaꞌooch gino woyemmone; katemee kellee tuggeenaꞌonoo aalliyemmone; boonoshi gonde gaboochee tiyitona boonoshin maayemmone.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Hosee'i 7:13

“Ta waanee boonoshi wokkitoyich boonoshich woowo! Ta toommooch hukkoon boonoshi tiijjitoyich aallemminaꞌone; ta, boonoshin biisheya qaawiyoye; tunebaani boonoshi ta toommooch kootoon yibbaateheete.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Haddoo 32:14

“Hini axaaxechinaꞌochi shiijjereenaꞌote. Doono Yeeri kaaroon Israꞌeeleenaꞌo toommooch woddiyoyich ittoshi niheenaꞌochi xaaꞌooch kereeto ittoshine.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

Yaasi 9:14

Israꞌeeleenaꞌo ebi mooyoyich Doono Yeerin echeyaanoon, ebi asheenaꞌona tookkii ikkotteꞌi boonoshi shohoochee deqqii maaheete.