Isiyaasi 3:9 - Kafa Linguistics Project

⁹ Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 3:9 ပူးပေါင်းရင်းမြစ်များ

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

Halloo 19:34

Bi dechara qaabbee guucheyich ishichiyan: “Yiich ta nihoo waan giyeti taane. Hanaachi xum wotta mashiibeeti woyinee uyoon biich uchibone. No nihoochi yaroo doogaachemmoyich, ne wotta hanaach bi waan gibe” iyan.

Halloo 4:5

Tunebaani Qayeelinaa bi giddiiti buuroonon ciinniꞌi emiraanoone. Ebich Qayeeli oogeton ippehe; bi aafoo shiixxehe.

2 Taateenaꞌo 9:30

Aroochee Yehi Yezireel hammiye. Elizabeeliyoo ebin waayaꞌa, bi aafooch huutoon huutahan. Bi qelloonoo kaaccaa mashaamiiꞌa, mallee kelloona ciinnaa beehan.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shaahiyoo 15:32

Sheeroon shixxiibeeto bi qelloon giishiihe; tunebaani sheeroon deqqiibeeto shalligoon danehe.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 3:16

Doono Yeeri ishichiye: “Tsiyooni maache bushiisheenaꞌo geecitinaꞌone; boonoshi qettimixon ciixxiibee, boonoshi aafoona xayishiibee shaꞌee beetinaꞌone; xeeqqeshee shaꞌeebee, boonoshi baateexi allubboon qaadii beetinaꞌone.

Isiyaasi 57:20

“Tunebaani gondeenaꞌo diiddeꞌeebeeti baharoomminaꞌone; aacoo guudoonaa dengoonon shaaggii damba kichiyalli tooꞌaache.

Isiyaasi 59:12

“No xuꞌo ne aafooch woddoone; no axaaxoo no toommooch miixee beetone; no xuꞌo noonna tookkii bi beetoyich, no axaaxoon ariyaabeeto noone.

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Shoosho 5:16

No qelloochee gubbichoo hollitone; axaaxoon no shuunetoyich nooch woowo!

Hiziqeeli 16:30

“ ‘Yeellaalli yahechi maachechoommon ebi bulli mooyon ne tuniito am shaahe mullaalle tunaꞌaaniye? iye Nuggishoo Doono Yeeri.

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 23:16

Ebi asheenaꞌochi misiloon bi beegiyooba, bi mullo tiyiye; Baabloonee showooch boonoshi waan wocheyechinaꞌon daachiihan.

Daaneeli 7:20

Wotta bi qellooch beeti aashire qareenaꞌochonaa gubb kaama dicciꞌi bi aafoochee keejje qareenaꞌo waaxemmoyich tuniiti qaroochonon ariyoyich qaawiyo. Ebi qaroyich ashi aafoommi aafoonaa geecoona yibbaateebeeti noonoona beetone; bareenaꞌoyee beshoonoo tuneꞌi bekketone.

Hosee'i 13:9

“Israꞌeeleenaꞌote, ittoshin gaachaabeeti ta toommooch ittoshi tiyitoyich, aallemmo ittoshine.

Hosee'i 5:5

Israꞌeeleenaꞌochi geecoo boonoshi toommooch miixee beetone. Ebich Israꞌeeleenaꞌonaa Efreemina boonoshi axaaxoona tephee dihemminaꞌone. Yihudee asheenaꞌoo boonoshina tookki tephee dihemminaꞌone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

1 Saameeli 15:32

Saameeliyoo “Amaleeqeenaꞌo taatoo Agaagin taach deebote” iye. Agaagiyoo “Iberoon qitoo ebiyoommi caamoone?” ii shattii qeweebee waahe.