Isiyaasi 3:8 - Kafa Linguistics Project

⁸ Yerusaalemi tattellaa beetine; Yihudee showoo tiishee beetone; ebiyoo asheenaꞌochi yibbaatoo tuneba boonoshi shuunoo Doono Yeerin ippiibeeto bi tunetoyichiye; bi oogoonoo qallayitinaꞌone.

Isiyaasi 3:8 ပူးပေါင်းရင်းမြစ်များ

2 Kiinoo 28:18

Filsixeemeenaꞌo wotta Shefeeli worebe showoonaa Negeebi barahoonooch beeti Yihudee showoon kochiyeete; Beet Shemeeshi, Ayalooninaa Gederootina getteebeeti katemeenaꞌon, wotta Sokoohinaa bi guudoona beeti gafeenaꞌonon, Timinaahinaa bi guudoona beeti gafeenaꞌonon, Gimizinaa bi guudoona beeti gafeenaꞌonon kochii yechiꞌi arooch koteheete.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

Shaahiyoo 26:27

Oppoon iijjiibeeto arooch dihemmone; xaqqoon gederikkiibeeto toommooch are xaqqo wottemmone.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 49:19

“Iberoochaa happeyaꞌa ashaalli shokkoon ne echetaa, qoccqoccimii tiishetin ne tunetaanoona, arooch beeyemminaꞌoyich xebbemmi neene; neen qooxxitinaꞌo ne waanee wokkemminaꞌone.

Isiyaasi 57:4

Halla ittoshi cooqqiriibeeto koni toommoochiye? Noonoon wochii, heciyoonoo kaaccii ittoshi beeto koni toommoochiye? Ittoshi, hukkechinaꞌonaa dachechinaꞌonochi bushiishoo toono ittoshine?

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 23:36

Tunebaani asho bullich shaago tuneto bi hajjee qaaro bi tunetoyich ‘Doono Yeerichi shaago’ gettaahote; Beshe Mawe Doono Yeerichi, beeyechi Nuggishoo no Nuggishoochi qaaroon wuuqqiyote.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Erimiyaasi 26:6

Shiloohi toommooch ta tuniitoommon, hini yaafee kechi toommooch tuniyemmo taane; hini katemoonoo showee toommeexi aagetoo bulliich ufon tuniyemmo taane’ itone gete” iye.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 44:3

Ebi tuneto ebi katemeenaꞌooch beebee echeti asheenaꞌo ta kaaroon boodoyich, boonoshi tuniiti gondoyichiye; boonoshiyoo tunebeeta ittoshi, ittoshi qaabbechinaꞌoo ariyaani bare nuggisheenaꞌoyich ixaanoon shoohonaa goyinnoonoyich hammiyeete.

Shoosho 1:9

Bi eeꞌo bi qamisee toommooch bekkehe; bi ciiro amo gaata ariyaaneene; ebich gonde dihoon dihiyan; biin goggiyemmonoo muccahan. Biyoo “Doono Yeero, ta duꞌoon beege! Etto taan kochii wochitone” iyan.

Hiziqeeli 8:12

Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Hosee'i 5:5

Israꞌeeleenaꞌochi geecoo boonoshi toommooch miixee beetone. Ebich Israꞌeeleenaꞌonaa Efreemina boonoshi axaaxoona tephee dihemminaꞌone. Yihudee asheenaꞌoo boonoshina tookki tephee dihemminaꞌone.

Hosee'i 7:16

Gonde mooyo waan wotteheete. Muricciti shangoommon tuneheete. Boonoshi ukkireenaꞌo boonoshi heciyoochee kechiti gonde moochi naboona goraadoona qitemminaꞌone. Ebichi naboona Gibitseenaꞌona cooneyemminaꞌone” iye.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Imbaaqoomi 1:13

Gonde mooyon bi ciinaachemmoyich, ne aafo yaafoone; gonde mooyon ciinnaabee cikkii qayaachine. Ishigaata, ebi dawushechinaꞌon ciinnaabee aabichaꞌa cikkii qajjenne? Gonde asheenaꞌo boonoshiyee beshe kaame asheenaꞌon boonoshi aallii beetaa aabichaꞌa cikkii qajjenne?

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?