Isiyaasi 3:15 - Kafa Linguistics Project

¹⁵ Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.

Isiyaasi 3:15 ပူးပေါင်းရင်းမြစ်များ

Shoddo 94:5

Doono Yeero, ne asheenaꞌon yiikkeheete; ne hajjee asheenaꞌon xuuxiiheete.

Keyo 5:14

Wotta shuunoon ciini shuuniyoyich kaacheti Israꞌeelee ukkireenaꞌo “Yiichichon tuneba hanaachichon, ebiyee aaf shuuniiꞌi ittoshi giddii beetoommon, amoyich giddiyaachote?” getaa, boonoshin ukkiriiti, guuninaꞌo toommooch ukkireti Gibitsee ukkireenaꞌona xooppeheete.

Shaahiyoo 30:14

Girechinaꞌon showee toommoochee, iritechinaꞌonoo ashi daggoochee aalliyoyich, boonoshi gasho goraado, boonoshi gammoo shikkoo tunetinaꞌo, beetinaꞌone.

Isiyaasi 14:30

Amolla aalli girechinaꞌo maayemminaꞌone; gichechinaꞌo carete qeyemminaꞌone; tunebaani Filsixeemo tuneti ittoshi yaroon shaacoona wuxemmo taane; ittoshi curoonoo aalliyemmo taane” iye.

Isiyaasi 26:6

girechinaꞌo baatoona neexxemminaꞌone; gichechinaꞌoo kotemminaꞌone” getteyemmone.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 30:12

Ebich Israꞌeelee Yaafoo ishichiye: “Ebi qaaroon ittoshi hoxetoyich, xuꞌoonaa xummittinoonon ittoshi gibenetoyich, aroona ittoshi degeetoyich,

Isiyaasi 32:6

Yeexeroo yeexeree yibbaatoon yibbaatehe; bi mullo gondoon gabiye; Yeeri aalli mooyon tuniihe; Doono Yeerichon koote mooyon yibbaatehe; shaacetoyich maanjaache; shachewetoyichoo uchaache.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 58:4

Ittoshi coomiibeeto kaaroyich, koyoonaa hakka guutoon guriphonoyichiye. And ebi ittoshi coomii beetoommon coomibee, ittoshi qaaro damba bi waayeyemmoyich quyeyaahote.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Hiziqeeli 18:2

“Israꞌeelee showooch wochii wochii: Niheenaꞌo gaangaani woyinee aafoon maaheete; bushiisheenaꞌochi gasho giiriye; ittoshi ii beeti shaahiyee yibbaatoo amoone?

Yoonaasi 1:6

Markabechinaꞌochi ukkiroo bi waan hammiꞌi, “Aabichaa tokketenne? Tiyiree ne nuggishoon ceege; diqqich nooch ariqqeree aalloochee noon wodiyemmone” iye.