Isiyaasi 3:12 - Kafa Linguistics Project

¹² Ta asheenaꞌon, bushiisheenaꞌo neexxii hajjiyeete; maacheenaꞌoo boonoshi toommooch ukkireheete. Ta asheenaꞌote, ittoshi ukkireenaꞌo ittoshin muriciitinaꞌone; gommoochee ittoshin badd wochitinaꞌone.

Isiyaasi 3:12 ပူးပေါင်းရင်းမြစ်များ

2 Taateenaꞌo 11:1

Akaziyaasi indee Ataaliyi bi bushoo qitoon ariyaꞌa, tiyaa taatee yaroo bullin aalliihan.

Iyoobi 30:13

Ta beshe kaattoon hiccii bajjiyeete; taan aalliyoyich qaawiyeete; bajjito aalloon ebin tuniiheete.

Shaahiyoo 28:16

Gabaalli iraashoo xuꞌechi maaci manjoone; tunebaani tateyaani gommona gaacoon danoon shixxii beetochi eeno genjemmone.

Dojjecho 10:16

Bushe taatechi, maaddoona gifiroon geddiibeeti iraashechi showoyich woowo!

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Isiyaasi 3:4

Bushiisheenaꞌon boonoshi toommooch ukkiriyemmone; nallefeenaꞌo boonoshin hajjemminaꞌone.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Mikiyaasi 3:5

Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Naahoomi 3:13

Ittoshi ginee naayinaꞌo maacheyoomminaꞌone; ittoshi showooch giyeebeeti kelleenaꞌo, ittoshi etteenaꞌoyich gamichaa qecheetinaꞌone. Boonoshi tuggeenaꞌon qaaqqoo michii aalliitone.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.