Isiyaasi 3:11 - Kafa Linguistics Project

¹¹ Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Isiyaasi 3:11 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

2 Saameeli 3:39

Huutteti taatoo ta tunetaanoona, hanaach hakkoo guuteeto taane. Tunebaani ebi Tseruuyi bushiisheenaꞌo tayee beshii giidetinaꞌone. Doono Yeeri bi shuunetoommon gondoyich shuunebe” iye.

1 Taateenaꞌo 21:21

Ebich Doono Yeeri ishichiye: ‘Gonde mooyon ne toommooch deebemmo taane. Neen ciroona hidi aalliyemmo taane. Akaabi yaroochee guuno tuneba doono, anaamo bullin Israꞌeelee showoochee aalliyemmo taane.

2 Kiinoo 6:23

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

Iyoobi 10:15

Gondeto ta tunegaata, taach woowo! Cadiqo ta tunetaa kaama qaallaache; ebiyoo yeelleto ta tunetoyich, xuuxoonoo beeggeto ta tunetoyichiye.

Shoddo 28:4

Boonoshi shuunoommon, boonoshi tuniiti gondoommon, boonoshich qoce; boonoshi kishee shuunoommon boonoshich imbe; kaalloon boonoshi toommooch wochibe.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shaahiyoo 1:31

boonoshi shuunetoommo boonoshi toommooch shuuneyemmone; ashi toommooch boonoshi koceeto boonoshin yechemmone.

Shaahiyoo 11:31

Cadiqe asho showee toommoochaa bi shuunee gatiyoon danemmo bi tunegaata, axaaxechonaa xuꞌechona amooniye bi tunemmo!

Shaahiyoo 12:14

Asho, bi yibbaatoochee tiyitona gaawe mooyon michiye; bi kishee shuunoommonoo bi gatiyoon danehe.

Shaahiyoo 26:27

Oppoon iijjiibeeto arooch dihemmone; xaqqoon gederikkiibeeto toommooch are xaqqo wottemmone.

Dojjecho 8:13

Tunebaani gondeenaꞌo Yeerin shato boonoshi qajjitoyich, boonoshich gaaweyaachemmone; boonoshi eeno yagaanoon yiirittoochoommon beshemmone.

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 48:22

“Gondeenaꞌoyich diggoo aalloone” iye Doono Yeeri.

Isiyaasi 65:20

Ebiyee bekk giisheche aaboon baach beeyemmi gaggeroo woyee eenon miyaani geeno daneyaachemmone; balle nattiti asho bi qitigaata gooraalloon qititooch haddeyemmone; ikke asho ball nataanoon bi qitigaata bi axaaxoyich uppeto tune haddeyemmone.

Isiyaasi 65:6

Ebiyoche, ta aafooch kooreetone; cikki qayaachemmo taane; boonoshich qoccemmo taane; boonoshi shuunoommon boonoshich shuunemmo taane” iye.

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Erimiyaasi 21:14

Ne shuuni shuunoommon neen sheeremmo taane; ne shaaroochoo qaaqqoon tuchemmo taane; ebi qaaqqoo bi guudoona beeto bullin maayemmone itone’ gete” iye.

Erimiyaasi 31:30

Tunebaani asho bulli bi hajjee axaaxoyich qitemmone. Kiikkere woyinoon maammi asho bulli bi gasho qorixemmone.

Hiziqeeli 16:59

“ ‘Nuggishoo Doono Yeeri ishichiye: Wogoon happoona ta wogoon ne hoxetoyich ne tuniitoommon ne toommooch tuniyemmo taane.

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 2:10

Ebi kishoo macaafoon ta aafooch yaggiye; ebi macaafo aafinaa gubbinooch kooreetone; ebi arooch shooshee qaaro, eeppi qaaroonaa caagee qaaroona kooreeꞌi beetone.

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 33:8

Gonde ashoon ‘Gonde ashoocho, iberoochaa qitemmo neene’ ta getaa, gonde ashoon bi gommoochee wochoyich meeqqeqqiyoo ne qayigaata, gonde asho bi axaaxoona qitemmone; tunebaani bi damoon ne kishoochee qaawemmo taane.

Mikiyaasi 3:4

Ittoshiyoo Doono Yeer waan ittoshi cookemmi yemeeno woyemmone. Tunebaani bi ittoshi cookoon waayeyaachemmone; gonde shuunoon ittoshi shuunetoyich, bi ittoshi waanee bi aafoon bara wochemmone” iyoye.

Mikiyaasi 7:13

Tunebaani arooch beeti asheenaꞌochi gonde shuunoochee tiyitona showoo ashaalli xafo tunemmone.

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

Woraaferasheenaꞌo 9:57

Ebiyoommon wotta Shekeemi katemee asheenaꞌochi gonde shuunoon boonoshi toommooch wochiye. Yerubaꞌali bushoo Yotaami uppiti ufo boonoshi toommooch shaggiye.