Isiyaasi 29:9 - Kafa Linguistics Project

⁹ Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 29:9 ပူးပေါင်းရင်းမြစ်များ

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Isiyaasi 29:1

Areli getaa ceekketi, Daawiti koteti Yerusaalemi katemeyich woowo! Nati toommooch naton daakkaa, baareenaꞌo wochi wochaa baaree beebeete.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Erimiyaasi 13:13

Newoo boonoshich, Doono Yeeri ishichiye: ‘Hini showooch beeto bullin, Daawitichi qeenooch koteton, qeesheenaꞌon, keemechinaꞌon, Yerusaalem koteto bullin, boonoshi mashemmi wottoon woyinee uyoon uchiree cipphayi ceechemmo taane.

Erimiyaasi 2:12

Shimaayeenaꞌote, ebi mooyon wuche getote; oogichishoo keqqiree qewebote” iye Doono Yeeri.

Erimiyaasi 23:9

Keemechinaꞌochi naboona ta mullo ta maacaa tiishetone; ta shaawusho wotwotiitone; Doono Yeerichi naboona, yaafoo tuneti bi qaaree naboona woyinee uyo yexxiti, masheti uroommon tuneto taane.

Erimiyaasi 25:27

“Aroochee boonoshich ishichibe: ‘Israꞌeelee Nuggishoo Beshe Mawe Doono Yeeri ishichiye: Ittoshi daggooch ta deejjemmi goraadee naboona, uyote; mashebote; cooyote; ebiyee bekk tiyaachemmon tuneree dihibote’ gete.

Erimiyaasi 4:9

Doono Yeeri ishichiye: “Ebiyooba taatoonaa iraashoonochi mullo muujjemmone; qeesheenaꞌo qewemminaꞌone; keemechinaꞌoo keqqemminaꞌone” iye.

Erimiyaasi 51:7

Baablooni showoo bulli mashemmoyich tuniiti, Doono Yeeri ta kishooch beeti aachee xoofoone; aageteenaꞌo bi uyoochee uchitinaꞌone; ebich geyetinaꞌone.

Shoosho 4:21

Uutsi showooch beeti Edoomi asheenaꞌote, emiribote; emiroonoo wucwucote! Tunebaani ittoshichoo xoofoo shaggemmone; mashemmo ittoshine; shokkaachoonoo echemmo ittoshine.

Imbaaqoomi 1:5

Doono Yeeri bi asheenaꞌoyich ishichiye: “Eke ittoshi guudoona beeti aagetee asheenaꞌon ciinote; ciiniree oogichi worganebote; asho koniyoona getaa iberiyoon ittoshi hakkaani mooyon ittoshi yemeenooch shuuneya ii beeto taane.

Maatiyoosi 26:45

Aroochee bi dabbeenaꞌo waan wottee waaꞌi, “Andoo batt tokketee kasheꞌiniye ittoshi beeto? And saato bedditone; Ashi Bushoon axaaxechinaꞌoyich beshiiree immemminaꞌone.

Maariqoosi 14:41

Daakkii keejjinnoon wottee waaꞌi, “Andoo batt tokketee kasheꞌiniye ittoshi beeto? Beddiye! Saato bedditone. And Ashi Bushoon axaaxechinaꞌo kishooch beshiiree immemminaꞌone.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.