Isiyaasi 28:9 - Kafa Linguistics Project

⁹ Boonoshiyoo ishichiyeete: “Ebi uro, dojjiya bi qaawiibeeto koniniye? Wochoon biishi bi gettemmo konichiye? Xachi kuxeenaꞌo tuneti gaggereenaꞌoyichiye?

Isiyaasi 28:9 ပူးပေါင်းရင်းမြစ်များ

Shoddo 131:2

Xachi kuxe bushoo bi indee sheenooch cikkii bi tooꞌoommon, tawoo cikkaa tooqqehoye.

Shoddo 50:17

Kaaraa ta ciicaa shixxehine; ta qaaroon gubb duppehine.

Shaahiyoo 1:29

Ariyoon boonoshi shixxitoyich, Doono Yeerin shaton boonoshi qajjitoyich,

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 28:26

Bi Nuggishoo biin bi dojjitoyich tate mooyon arii beetone.

Isiyaasi 30:20

Doono, xuuxee koshonaa duꞌee aaconon ittoshich bi immitaanona ittoshi dojjecho ebiyee bekk ittoshiyee baraachemmone; ittoshi dojjechon ittoshi aafoona beeggemmo ittoshine.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Erimiyaasi 35:13

“Israꞌeelee Nuggishoo, Beshe Mawe Doono Yeeri ishichiye: Hamiree Yihudee showeexi asheenaꞌonaa Yerusaalemi katemeexi asheenaꞌonoyich ishichi gete: ‘Ta qaaroon waayoyich ta qociyoon deꞌaachehote? iye Doono Yeeri.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 6:10

Ta getaa waayemmo koni beete? Konich kupphii getote? Boonoshi waamo hichetone; elloon hakkaaneenaꞌone; ebiyoche Doono Yeerichi qaaro cooqqireetone; boonoshinoo emirikkaanoone.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maariqoosi 10:15

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Yowannisi 12:38

Ebich keemechi Isiyaasi “Doonocho, no miixeton koni iberiite? Doonochi giidochi konich bekkete?” iꞌi bi gettiti qaaro ceenniye.

Yowannisi 3:19

Bekko showee toommooch waahe; tunebaani asheenaꞌo boonoshi shuunoo gondo bi tunetoyich, bekkoyee manderoon shunniyeete; bi nallito ebichiye.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.