Isiyaasi 28:7 - Kafa Linguistics Project

⁷ Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 28:7 ပူးပေါင်းရင်းမြစ်များ

Shoddo 107:27

Boonoshi aafo shaawee, masheti ashichoommon dadeddeheete; boonoshi ariyoo bulli duubehe.

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 23:30

Woyinee uyoon uyona heechii beetinaꞌocho, bacceeti woyinee uyoon guuddii cangee beetinaꞌochone.

Dojjecho 10:17

Ooge ashi yaroochee tuneti taatechi, mashoyich tuneyaanoon boonoshin bi kupphiyemmoyich, qaawiiti saatooch maa uchiibeeti iraashechi showoo diireetone.

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Isiyaasi 22:13

Tunebaani emiroo, wucwuco, maaꞌoon guuroo, bagoon bashoo, meenon mamonaa woyinee uyoon uyona tunehe; “Yaach qitemmo no tunetoyich maa uyone” iyote.

Isiyaasi 24:2

Asho bullichi ixoo ikke shaahoo tunemmone; asheenaꞌonaa qeesheenaꞌona, guuninaꞌonaa dooninaꞌona, gonneenaꞌonaa genneenaꞌona, kemee beetinaꞌonaa kemmii beetinaꞌona, erettii beetinaꞌonaa erettee beetinaꞌona, hiishechinaꞌonaa hiishee qochiyechinaꞌona, bulliyona ikke shaahoon tunemminaꞌone.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 28:1

Efreemee mashechinaꞌoyich geecee gubbichoo tuneti, qeemi bambee toommooch beechaa woyinee uyoona yexxetinaꞌoyich oogee malleto tuneti, shoolle bechee bunggoommi Shamaarich woowo!

Isiyaasi 29:11

Ebi yaaꞌoo bulli ittoshich nasheeti macaafoommon tunetone; shemmoon hakkii beetoyich, “Ebin shemmebe” iꞌi boonoshi imigaata, biyoo wochiree “Nashee bi itoyich hakkaache” gettemmone.

Isiyaasi 3:12

Ta asheenaꞌon, bushiisheenaꞌo neexxii hajjiyeete; maacheenaꞌoo boonoshi toommooch ukkireheete. Ta asheenaꞌote, ittoshi ukkireenaꞌo ittoshin muriciitinaꞌone; gommoochee ittoshin badd wochitinaꞌone.

Isiyaasi 43:27

Qaabbechi ne nihoo axaaxoon shuunehe; ne ukkireenaꞌoo ta sheeroon shaaddeheete.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Erimiyaasi 14:14

Aroochee Doono Yeeri taach ishichiye: “Keemechinaꞌo kootoon ta shigoona keemmiyeete; boonoshin wocheyaano taane; boonoshich getaano taane; boonoshich yibbaateyaano taane; koote yaaꞌoon, duube qaaxoon, boonoshi mullee dawushoon ittoshich keemmii beetinaꞌone.

Erimiyaasi 23:13

“Shamaari katemeexi keemechinaꞌo waanee, gonde mooyon beeggeto taane: Baꞌaaloochi shigoona keemoon keemmitinaꞌone; ta asheenaꞌo tuneti Israꞌeeleenaꞌonoo muricooch yaabiyeete.

Erimiyaasi 23:16

Beshe Mawe Doono Yeeri ishichiye: “Ebi keemechinaꞌo keemmiibeeti qaaroon waayeyaahote; boonoshiyoo duube gibenoon ittoshich gibenikkii beetinaꞌone; boonoshi gettiibeeto Doono Yeeri ta noonoochee kechiton tuneyaanoon boonoshi mulloochee kechiti yaaꞌooniye.

Shoosho 2:4

Ettoochoommon bi maꞌoon ciixxiye; shixechochoommon bi qanne kishoon kupphiihe; Tsiyooni asheenaꞌochi duukkaanoochaa no aafooch macecikkito bullin wuxiye; bi kaaree shiixxoon qaaqqoochoommon kindiihe.

Hiziqeeli 13:7

Ta getaanoon “Doono Yeeri ishichiye” ittoshi geto, koote yaaꞌoon beego, koote qaaxoonoo qaaxo toone?

Hiziqeeli 44:21

Qeeshoo tuneto koniyoona woyinee uyoon uyiichi maaci addibaabooch giyaaye.

Hosee'i 7:5

No taatoochi baaree aabooba ukkireenaꞌo woyinee uyoona gaamee biiyeheete. Biyoo bedaani asheenaꞌona tookkii bi kishoon yaggiye.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Imbaaqoomi 2:15

Boonoshi achoon beegoyich, ittoshi giyeenaꞌo kaaree shiixxee xoofoochee woyinee uyoon uyiree mashemmoyich tuniibeeti ittoshich woowo!

Imbaaqoomi 2:16

Ittoshiyoo oogoochee kindiree giishemmo ittoshine; uyi ittoshi mashetaa, ittoshi achoo bekkemmone. Doono Yeeri bi qanne kishooch beeti naxee xoofoon ittoshich bi deejjaa uchemmo ittoshine. Ittoshi oogo giishemmone.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Efesooni 5:28

Ebiyoommon keno wotta bi hajjee meenon tuniiꞌi bi mecheen shuno bi tuniiya bede mooyone; bi mecheen shunniibeeto bi qellooniye bi shunniibeeto.