Isiyaasi 28:18 - Kafa Linguistics Project

¹⁸ Qitoona tookkii ittoshi giyiti wogo echemmone; maashoona tookkii ittoshi shuneti shunoo manjaachemmone; kupphe naxo bi beshehooba, ittoshin kotemmone;

Isiyaasi 28:18 ပူးပေါင်းရင်းမြစ်များ

Isiyaasi 2:15

genje dilaaleenaꞌo bullin, manje xaqqee uxereenaꞌo bullin,

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 28:3

Efreemee mashechinaꞌochi geecee gubbichoo baatoona neechemmone.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Isiyaasi 7:7

Ebich Nuggishoo Doono Yeeri ishichiye: Ebi boonoshi koceeti mooyo ciroona tuneyaachemmone.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Erimiyaasi 19:7

“ ‘Hini xaaꞌoochaa Yihudee asheenaꞌonaa Yerusaalemi katemee asheenaꞌonochi koceyoon happemmo taane; boonoshi asheenaꞌo, goraadoona boonoshi etteenaꞌo aafooch, wottoo boonoshi kashoon qaawii beetinaꞌo kishooch boonoshi dihemmoyich tuniyemmo taane; boonoshi dubenoon shimaajji gaceenaꞌonaa kubbi cooxinaꞌonoyich maayoon tuniiree immemmo taane.

Erimiyaasi 2:37

Ne gibenetinaꞌon Doono Yeeri giishiitoyich, boonoshina neech kaameyaachemmone; ebich ne kishoon ne shimbooch gediree, aroochee kechemmi neene” iye.

Erimiyaasi 44:28

Goraadoochee muriciree Yihudee showooch wottemminaꞌo giishecheenaꞌone; arooch kotoyich Gibits giyiti Yihudee cureenaꞌo ta qaaroonaa boonoshi qaaroonoochee konicho ceennemmo gaata ariyemminaꞌone.

Erimiyaasi 47:2

Doono Yeeri ishichiye: “Dambi-waanee aaco tiyemmone; wocciibeeti ambamboon tunemmone; showoonaa arooch beeto bullinon, katemeenaꞌonaa arooch beetonon, qooxxemmone. Asheenaꞌo cookemminaꞌone; showee toommooch beetinaꞌo bulla maacere eeppemminaꞌone.

Shoosho 4:17

Gaachoon duuboon quyoona no aafo dabbidabbiye; no quyee xaaꞌoochaa noon wodiyoon hakkaani aageteenaꞌon quyehone.

Hiziqeeli 13:11

booroon dikkee beetinaꞌoyich dihemmo bi tunoon gete; amiyoo dudemmone; baderee gaagoo kindemmone; yubee yongoo gaakkemmone.

Hiziqeeli 17:15

Tunebaani Yihudee taatoo bi toommooch hukkeꞌi haresheenaꞌonaa meeti ginee naayinaꞌonon bi danemmoyich wocheyechinaꞌon Gibits daachiihe. Biich kaamehe? Ebiyoommi mooyon tuniimmi asho muriccehe? Wogoon happiichi muricon hakkehe?

Daaneeli 11:40

“Ciireexi yemeenooba Gibitsee taatoo biin kochemmone. Tunebaani Sooriyee taatoo gaarin, hareshechinaꞌonaa meeti markaboonon yeshi bi toommooch yuboochoommon guubbiree woyemmone. Meeti showeenaꞌooch giyiree ambamboochoommon hidi boonoshi daggoona beshemmone.

Naahoomi 1:8

Guubbiibeeti ambamboochoommon, bi etteenaꞌon ciroona aalliyemmone; bi etteenaꞌon maash daachiyemmone.

Zakaariyaasi 1:6

Ittoshi qaabbechinaꞌo ta maddechinaꞌo tuneti keemechinaꞌona ta getteti ta qaaroonaa ta qociyoonon quyo boonoshi qajjitoyich sheereetinaꞌone. “Boonoshiyoo boonoshi shuuneti gondoyich ayiniꞌi, ‘Beshe Mawe Doono Yeeri tuniiya bi gabitoommon, no gommoommonaa no shuunoommonon no toommooch bi tuniyoo tatoone’ itinaꞌone” iye.

Yaaꞌoo 12:15

Dareboo ureen aacona maanjiya qaawiꞌi ooge woce aacoommi aacon bi kookkoochee ureechi hillooch kuufiye.

Yaaꞌoo 17:15

Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.