Isiyaasi 28:16 - Kafa Linguistics Project

¹⁶ Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 28:16 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Shoddo 118:22

Gimbeyneenaꞌo hoxee duppiti xaqqo, aroo kexon deggii neechiibeeti giimbee guummon tunehe.

Shoddo 87:1

Doono Yeeri bi katemoon yaafeeti guudi toommooch shuunetone.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 54:11

Doono Yeeri ishichiye: “Hini xuuxeti, yubee yongoonoo wullaawulleti, goggoonoo mawiitine, aaxxe xaqqoona wochinnoon neen shuunemmo taane; sapiiroona ne hecoon heccemmo taane.

Daaneeli 2:45

Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Zakaariyaasi 10:4

Yihudee asheenaꞌo daggoochee kexon tuuggii neechiibeeti giimbee guummo, duukkaanee xogoo, ginee koyee maꞌoonaa taateenaꞌo bullina kechemminaꞌone.

Zakaariyaasi 3:9

Yaasi aafooch ta kotiiti xaqqo ebiyoche, ebi ikke xaqqooch shabaatte aafo beetone. Are xaqqoochoo qiici kooremmo taane. Hini showee xuꞌoon ikke qemona aalliyemmo taane’ iye Beshe Mawe Doono Yeeri” iye.

Maatiyoosi 21:42

Yesuusi boonoshich ishichiye: “ ‘Gimbenyeenaꞌo hoxee duppiti xaqqo, aroo kexon deggii neechiti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee cir shemmeyaachote?

Maariqoosi 12:10

“Illa ‘Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee shemmeyaachote?” iye.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

1 Qorontoosi 3:11

Baasheetoyee damba koniyoona bare baashoon baashoo hakkaache; are baashoo Yesuus Kiristoosine.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.