Isiyaasi 27:9 - Kafa Linguistics Project

⁹ Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 27:9 ပူးပေါင်းရင်းမြစ်များ

2 Taateenaꞌo 10:26

Goyinnee xaqqee giimboon aroochee kichiꞌi michiyeete.

2 Taateenaꞌo 23:14

Aroochee taatoo Yosiyaasi goyinnee xaqqee giimboo bullin tiichiye; wotta Asheeri misileenaꞌon kuxxiꞌi duppiye. Ebi misileenaꞌo neexeti xaaꞌoochoo ashi shaawushoon ceechiye.

2 Taateenaꞌo 25:9

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

2 Kiinoo 14:5

Yihudee katemoo bulliichee guudi toommeexi goyinnee xaaꞌeenaꞌonaa ixaanee deejjee gudeenaꞌonon aalliihe. Bi taatee yemeenooch bi taatee showooch diggoo tunehe.

2 Kiinoo 34:4

Bi daaggoona Baꞌaaleenaꞌochi deejjee gudeenaꞌo happeeheete. Biyoo boonoshi gaꞌooch beeti ixaanee deejjee gudeenaꞌon yiikkee aalliihe. Asheeri misileenaꞌon, qiicaa shuuneeti misileenaꞌonaa ukkaa shuuneeti misileenaꞌonon tiichii buricciꞌi bi yiikketoyee gubb, ebi aroon boonoshich deejjiibee echeti asheenaꞌochi maashee toommooch shacciye.

2 Kiinoo 36:19

Yeerichi yaafee kexon michiye; Yerusaalemi xaqqee uxeroon happiye; taatee kexinaꞌonoo qaaqqoona michiye; arooch beeti aaxxe qiico bullin aalliihe.

Shoddo 119:67

Taan ne sheeraani beehooba muriccaa beehoye; tunebaani and ne qaaroon quyaabeeto taane.

Shoddo 119:71

Ne qociyoon ta doyemmoyich bi tunetoyich, taan ne sheerito taach gaaweto tunetone.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Shaahiyoo 20:30

Mayiiꞌi sheeroo gonde mooyon aalliihe; gumboona xoobo maaci ashittinoon xalliihe.

Isiyaasi 1:29

Ittoshi shunniibee echeti goree naboona, ittoshi kaacciti bechee mixinaꞌochi naboonoo yeellemmo ittoshine.

Isiyaasi 17:8

Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 4:4

Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 48:10

Birewoon ukkoommon tuneyaanoon, iritee qaaqqoona ittoshin haattito taane; xuuxee sheelloona ittoshin haattito taane.

Hiziqeeli 11:18

“Arooch boonoshi waahooba ciigiitonaa eeꞌoona tuneti mooyon bi daggoochee wokkiyemminaꞌone.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 6:4

Ittoshi deejjee gudo happeyemmone; ittoshi ixaanee deejjee gudeenaꞌo buricemminaꞌone; wuxeeti ittoshi asheenaꞌon ittoshi shahalleenaꞌo aafooch duppemmo taane.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Hosee'i 14:8

Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 5:11

Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane;

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Roomi 11:27

Yeeriyoo ‘Boonoshi axaaxoon ta wokkiihooba, boonoshina tookki ta giyemmi wogo ebine’ itone.”

1 Qorontoosi 11:32

Tunetaa yemeenee ciirooba, hini alemee asheenaꞌo toommooch bi nalliyooba, boonoshina tookkiree no toommooch bi nallaachemmoyich, and Doono Yesuusi no toommooch nalliibee sheerii beetone.

Yibbaatoo 12:3

Boonoshi deejjee gudoon happi bayote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon qaaqqoona michibote. Boonoshi shahalloon kuxote. Boonoshi shigo are showoochee bi aallemmoyich tuniibote.