Isiyaasi 27:8 - Kafa Linguistics Project

⁸ Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Isiyaasi 27:8 ပူးပေါင်းရင်းမြစ်များ

Iyoobi 23:6

Diqqich ooge bi giidoon bekkiiree taanna taggehe? Taggeyaache; ta mooyon elleshiye bi waayemmo.

Shoddo 103:14

Amoochee no shuuneeto gaata bi arii beetone; showoo no tunoonoo gabii beetone.

Shoddo 103:9

Bulli aaboon kaareyaache; bi kaaroo bulli yemeenoon yagaache.

Shoddo 38:1

Doono Yeero, ne kaaroona taan noggeyaahine; ne kaaree shiixxoonoo taan naxeyaahine.

Shoddo 6:1

Doono Yeero, ne kaaroona taan sheeriyaahine; ne kaaree shiixxoonoo taan yexxaahine.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 57:16

Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Erimiyaasi 10:24

Doono Yeero, taan sheeribe; tunebaani tatoona tunebe; ciroona taan ne aalliyaachemmoyich, kaaroona tunaaye.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 4:11

Ebiyooba hini ashoonaa Yerusaaleminoyich ishicheyemmone: “Woqqoyich woyee xalliyoyich tuneyaanoon michiibeeti yongo barahooch beeti hulloo tuneti geppeenaꞌoochee ta asho waan yongemmone.

Erimiyaasi 4:27

Doono Yeeri ishichiye: “Showoo bulli shokkoon echemmone; tunebaani ciichiree aalliyaachemmo taane.

Erimiyaasi 46:28

Ta guuno Yaaqobo! Ta neenna tookkii ta tunetoyich shattaahine” iye Doono Yeeri. “Boonoshi daggooch neen ta yookketi aageteenaꞌon, ciroona aalliyemmo taane; tunebaani neen ciroona aalliyaachemmo taane; tunetaa neen tate gommona sheeremmo taane; sheeraanoon besheyaachemmo taane” iye.

Shoosho 3:31

Doono bulli yemeenoon dufaano bi tunetoyich,

Shoosho 3:32

bi ayinikkiteenona beshaa beshe bi shoodoona ariqqemmone.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hosee'i 13:15

Bi maneenaꞌo daggoochaa bi gaannetaanona aabi-keyo waanee yongo barahoochee yongebee Doono Yeeri ta waanee waaree, bi aachi xuuphoon takkemmone; bi aachi oppoonoo shuuꞌiyemmone; bi ginjabeetoochee aaxxe bi qiico bullin tiijji daammemmone.

Hosee'i 4:1

Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

1 Pheexiroosi 1:6

And asheenaꞌo baribare gommona ittoshin boonoshi xuuxii beetoyich, giisheche aaboyich baach ayiniibeeto ittoshi tunetaanona, ebich oogeton emiribote.