Isiyaasi 27:3 - Kafa Linguistics Project

³ Doono Yeeri ta, quyecho taane; bulli aaboon aacon uchiyoye; koniyoona biin bi duubiyaachemmoyich, areddoonaa xumoonon quyehoye.

Isiyaasi 27:3 ပူးပေါင်းရင်းမြစ်များ

Halloo 6:17

Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

Halloo 9:9

“Tawoo ittoshinaa ittoshiyee gubbi shiijjereenaꞌona tookki wogoon giyemmo taane.

1 Taateenaꞌo 8:59

Bi guuno taannaa bi asheenaꞌo tuneti Israꞌeeleenaꞌonon qemi qemona qaawiibeeti mooyo bullina bi gaachemmoyich, hini Doono Yeer waan ta giddiiti ta qollo xumoonaa areddoonon Doono Yeeri aafoochaa gabeebe.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Isiyaasi 31:5

Kafee bi kechi toommooch bi qoshoon yaggaꞌa bi bushiishoon bi quyoommon, Beshe Mawe Doono Yeeri ta, Yerusaalemin quyemmo taane; biin gaache wodiyemmo taane; biin shiwe wodiyemmo taane.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 46:4

Ittoshi geenemmi wottoon ittoshi Nuggishoo taane; ittoshi bukkemmi wottoonoo, ittoshin miꞌemmo taane. Ittoshin hallito taane; ittoshin miꞌemmo taane; ittoshin shiimemmo taane; wodiyemmo taane.

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Hiziqeeli 34:11

“ ‘Ebich Nuggishoo Doono Yeeri ta ishichiyoye: Ta, ta qelloona ta bageenaꞌon qaawemmo taane; quyemmo taane.

Hiziqeeli 34:24

Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 37:14

Ta Ayaanoon ittoshi kashooch kotiyemmo taane; ittoshiyoo kashoona beeyemmo ittoshine; ittoshi hajjee showooch ittoshi beeyemmoyich tuniyemmo taane; ebin getteto, ebinoo tuniito ta tunoon ariyemmo ittoshine; Doono Yeeri ta, ebin getteto taane’ itone gete” iye.

Hiziqeeli 37:28

Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.

1 Saameeli 2:9

“Biyoo biich gibeneetinaꞌochi kashoon quyee beetone. Tunebaani gondeenaꞌo manderee daggooch dufaa aallemminaꞌone. Asho wudoon bi danemmo, bi hajjee giidoona toonoone.