Isiyaasi 27:13 - Kafa Linguistics Project

¹³ Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 27:13 ပူးပေါင်းရင်းမြစ်များ

2 Taateenaꞌo 17:6

Hosheehi taateti yiixiyinnee natooba, Asooree taatoo Shamaarin yechiye. Israꞌeeleenaꞌonoo kecciꞌi, Asooree showooch daammiye. Boonoshinoo Halaahi katemooch, Gozaani woraafee daggooch beeti Haboori aachi gaꞌooch, wotta Meedee showeexi katemeenaꞌooch boonoshi kotemmoyich tuniihe.

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

Shoddo 47:5

Yeeri ililoona, Doono Yeeri shametee qaaroona, damba kechiye.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Shoddo 89:15

Doono Yeero, ililoon ariibeeti, ne aafeexi bekkoona hammiibeeti, asho diireetone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 19:22

Doono Yeeri Gibitsee showoon yexxemmone; yexiichishoo wochi wodiyemmone; boonoshiyoo Doono Yeer waan wottemminaꞌone; biyoo boonoshi qolloon waayeree boonoshin wodiyemmone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 25:6

Beshe Mawe Doono Yeeri, hini Tsiyooni guudooch aagetoo bullich oogeti gifiroon qanniyemmone; ebi gifirooch gaaweti, awuyi meenonaa gaawe woyinee uyoonon qanniyemmone.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Isiyaasi 66:23

Agenee keyoochee agenee keyooch, shambetoochee shambetooch, asho bulli taach goyinnoyich ta aafooch woyemmone” iye Doono Yeeri.

Erimiyaasi 31:6

Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.

Erimiyaasi 43:7

Doono Yeerichi qaaroyich deꞌa geto boonoshi qajjitoyich, Gibits hammiyeete; Xafinaasi katemooch shaggiyeete.

Erimiyaasi 44:28

Goraadoochee muriciree Yihudee showooch wottemminaꞌo giishecheenaꞌone; arooch kotoyich Gibits giyiti Yihudee cureenaꞌo ta qaaroonaa boonoshi qaaroonoochee konicho ceennemmo gaata ariyemminaꞌone.

Hiziqeeli 20:34

Kupphe ta mochoonaa ta giidoonon bekkiyoona, ta neboonoo kindiyoona, ittoshi shaceti aageteenaꞌonaa showoonoochee ittoshin kicemmo taane.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Hosee'i 11:11

Qewebee Gibitsee kafoochoommon, Asooree showoocheenoo uggechoommon, woyemminaꞌone. Tawoo boonoshi kexooch boonoshi beeyemmoyich tuniyemmo taane” iye Doono Yeeri.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Hosee'i 9:3

Israꞌeeleenaꞌo Doono Yeerichi showooch beetaachemminaꞌone; Gibits wottemminaꞌone; Asooree showoochaanoo eeꞌe maayoon maayemminaꞌone.

Leweenaꞌo 25:9

Aroochee shabaattinnee agenee aashirinnee qemooba, tiroon hukkiibe. Axaaxoo Maariyee Aabooba, ittoshi showoo bulliich tiroon hukkiibote.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Zakaariyaasi 14:16

Aroyee gubb, Yerusaalemin waa kochiti aageteenaꞌo daggoochee, qitoochee muriccitinaꞌo bulli Taatoo, Beshe Mawe Doono Yeerich goyinnoonaa Bashee (Yambaaree) Baaroon baaroonoyich, nati natooch woyemminaꞌone.

Zakaariyaasi 8:7

Beshe Mawe Doono Yeeri ishichiye: “Ta asheenaꞌon aabi-keyo waani showoonaa aabi-gimo waani showoonoochee biishemmo taane.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Roomi 10:18

Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.

Yaaꞌoo 8:6

Aroyee gubb shabaatte tiroon yechiti shabaatte maraakeenaꞌo tiroon hugga qanniyeete.

Yaaꞌoo 9:14

Tiroon yechiti shirittinnee maraakoyichoo “Ooge aaco Efiraaxis cucheti awudde maraakeenaꞌon biishe!” iye.