Isiyaasi 27:11 - Kafa Linguistics Project

¹¹ Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 27:11 ပူးပေါင်းရင်းမြစ်များ

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 18:5

Woyinee aafo macee gooroyee shiichiꞌi woyinee bungoo ooyaa, aafoo kashiyooba, woyinee ateenaꞌo aci shikkoona kuxaa boonoshi duppoommon, Doono Yeeri are showeexi asheenaꞌon aalliyemmone.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 5:13

Ebich ta asheenaꞌo ariyoon boonoshi muccetoyich kecaa hammemminaꞌone; boonoshi ukkireenaꞌo shaacoona qitemminaꞌone; asheenaꞌochi heciyoo shachewoona shuuqqemmone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 11:16

Doono Yeeri ta, ittoshin ‘Gaawe aafoon yuunjiti zayitee mixinaꞌote’ iyaꞌa ceeggehoye; tunebaani and giidechi yubee yongee qaaroommi qaaroon deejjiree bi waamon michemmo taane; bi qaakkoonoo tiichemmo taane.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Erimiyaasi 16:5

“Ebich Doono Yeeri ta ishichiyoye: Ta diggoon, ta shoodoonaa ta maaroonon hini asheenaꞌo waanee wokkiito ta tunetoyich, eeppi kexooch giyaahine; eefonaa cacheyoonoyich hammaahine.

Erimiyaasi 25:37

Doono Yeerichi manje kaaroochee tiyitona diggee mago happeetone.

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Erimiyaasi 8:7

Maannaakkolla bi wottemmi gooroon arii beetone; daabbiche, yegeccoonaa maallinaayona boonoshi goojjemmi aaboon arii beetinaꞌone; tunebaani ta asheenaꞌo Doono Yeerichi doyoon ariyaaneenaꞌone.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hiziqeeli 20:47

Deshi-waan, Negeeb beeti kubboyich, ‘Doono Yeerichi qaaroon waayebote; Nuggishoo Doono Yeeri ishichiye: Ebiyoche ne daggooch qaaqqoon geddemmo taane; ne daggooch beeti waajjechonaa shuuꞌona tuneti mixo bullin maayemmone; ebi qaaqqee aaxxo tahaachemmone; deshi-waanee tiijji dambi-waan beddaahaa beeti ashi aafoon michemmone.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Hosee'i 4:14

Ittoshi maache bushiisheenaꞌo yahechinaꞌo, ittoshi naamecheenaꞌo shunimaayeenaꞌo boonoshi tunegaata boonoshin sheeraachemmo taane. Ebiyoo doonjo ittoshi yaafee kechi yahechinaꞌona tookkii yahii, boonoshina tookkii boonoshi nuggisheenaꞌoyich deejjii ittoshi beetoyichiye. Shalligaalli asho aallemmone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 3:10

Andoo asho gonde mixon cammona waaxxii bi aalliyoommon, Yeeri biich deꞌa getaaneenaꞌon waaxiree aalliiya qannitone. Illa asho deꞌe aafoon aafeyaani mixo bullin kuxxiꞌi qaaqqee daggooch bi dufoommon, Yeeriyoo boonoshin ebiyoommon duppemmone.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 1:31

shalligaalleenaꞌo, wogibiisheenaꞌo, shunaalleenaꞌonaa maacmanjeenaꞌona tuneheete.

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.