Isiyaasi 27:1 - Kafa Linguistics Project

¹ Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 27:1 ပူးပေါင်းရင်းမြစ်များ

Iyoobi 26:13

Yeeri bi kashoon kachiꞌi gumoon xalliihe; qingireebee awureebeeti dingeroon bi kishoona kochiye.

Iyoobi 3:8

Lewataani boonoshi qaawiton bi shuunemmoyich tuniibeeti, aaboon uppiibeeti kaayechinaꞌo, biin ufeete.

Iyoobi 40:19

Biyoo ta halleenaꞌo daggoochee wulloone; biin yittiyoon hakkemmo biin halliti ta baachiye.

Iyoobi 41:1

“Lewataanin qamaaxiroona yechiꞌi kichoon, bi muddoon woderoona cuyon hakkenne?

Shoddo 104:26

Aree toommona markabeenaꞌo hammii beetinaꞌone; ne halliti Lewataani aroochaa kaachii beetone.

Shoddo 45:3

Ginee anaamocho, ne oogoonaa oogee yiiroona, ne goraadoon ne shimetooch cuyebe.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Isiyaasi 66:16

Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Erimiyaasi 47:6

“Ittoshiyoo, ‘Hini Doono Yeerichi goraadoocho, ne cikkiyaachemmo aati wottooniye? Ne gonenooch gibe; cikkishoo kashebe’ gettemmo ittoshine.

Erimiyaasi 51:13

Meeti aachi gashooch kotetocho! Gaannoon ciqqinnetocho! Ne aallemmi aaboo, ne ciiro shaggitone.

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Amootsi 9:3

Qermeloosi guudi toommooch boonoshi aasheteenona, boonoshin qaawiree aroochee yechemmo taane. Ta aafoochee baharee dechi duchooch boonoshi aasheteenona, dingeroon ta daachiitaa boonoshin qoppemmone.

Yaaꞌoo 12:3

Bare worganikkiti mooyo shimaayooch bekkehe; shabaatte qelloonaa aashire qaroona, bi qellee haddoonoo shabaatte gubbichoo beeti ooge ceelle dareboo beehe.

Yaaꞌoo 13:11

Aroyee gubb bare cooxo showoochee bi kechii beetaa beeggeho. Bagee qaroommi gutte qarechone; dareboochoommonoo yibbaatee beetone.

Yaaꞌoo 13:4

Dareboo cooxoyich hakkoon bi immitoyich, asheenaꞌo dareboyich goyinneheete; cooxoyichoo wotta “Hini cooxona tatemmo aabine? Biinna koyoon hakkemmo, konine?” iibee biich goyinneheete.

Yaaꞌoo 16:13

Dareboochi kookkoonaa cooxochi kookkoonoochee, koote keemechochi kookkoocheenoo woqqeqqeenaꞌon shaahiibeeti keejje yinneenaꞌo kechii beetaa beeggeho.

Yaaꞌoo 17:1

Shabaatte xoofeenaꞌon yechiti shabaatte maraakeenaꞌo daggoochee ikkoo waaꞌi taach “Wobe; meeti aacinaꞌo toommooch koteti aricheti yahechi ure toommooch Yeeri aabichiree bi nallemmo gaata neech bekkiibona.

Yaaꞌoo 17:15

Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.

Yaaꞌoo 20:2

Wonnee dingeroon, daabiloosi, Sheexaanoo getteeti dareboon yechiye; hume nati wottoon cuchiye.