Isiyaasi 26:7 - Kafa Linguistics Project

⁷ Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Isiyaasi 26:7 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Iyoobi 31:6

Yeeri kaamoo tuneti machoona taan qoce; ebina deꞌo ta tunoon ariyemmone.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 11:7

Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.

Shoddo 25:4

Doono Yeero, ne gommon ta ariyemmoyich tuniibe; ne gommon taach dojjibe.

Shoddo 25:5

Taan wodiyechi ta Nuggishoo ne tunetoyich, ne iberittinoona taan yaabiree dojjibe. Heeyo bullin ta gibenaabeeto neeniye.

Shoddo 27:11

Doono Yeero, ne gommon taach dojjibe; ta etteenaꞌochi naboyich tate gommona taan yaabibe.

Shoddo 5:9

Boonoshi noonooch iberoo aalloone; boonoshi gaboo aalliyoo baachiye; boonoshi qettoo qecheeti maashee oppoommone; boonoshi heciyoona dawushiyeete.

Shaahiyoo 11:5

Qoonaalli ashich bi cadiqittino bi gommon kaachiye; tunebaani gonde asho bi gondoona dihemmone.

Shaahiyoo 20:7

Cadiqe asho oonneyaani beemon beehe; biyee gubbi bi bushiisheenaꞌoo diireetinaꞌone.

Shaahiyoo 21:8

Axaaxechochi gommo xummoone; tunebaani xalle asheenaꞌochi shuriyoo kaamoone.

Shaahiyoo 3:6

Ne gommo bullina biin ariibe; biyoo ne gommon neech kaachemmone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 52:12

Doono Yeeri ittoshi aafooch shiichemmo bi tunetoyich, Israꞌeelee Nuggishoo ittoshi gubbaa quyemmo bi tunetoyich, afaafinoona hamaachemmo ittoshine; gooyiree hamaachemmo ittoshine.

Isiyaasi 57:2

Boonoshi shaaddo kaamoo tuneti asheenaꞌo qiti, diggee xaaꞌoon daneree kashemminaꞌone.

Erimiyaasi 10:23

Doono Yeero, ashi beemo bi gabitoommon tunee bi qayon, bi shaaddoon bi daagga yeepho hakkee bi qayonoo, ariibeeto taane.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:7

Ta shuni bushiisheenaꞌote! Koniyoona ittoshin bi muriciyaachemmoyich, ittoshi qelloon ariibot! Kiristoosi cadiqo bi tunetoommon cadiqittinoon tuniibeeto cadiqoone.