Isiyaasi 26:4 - Kafa Linguistics Project

⁴ Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 26:4 ပူးပေါင်းရင်းမြစ်များ

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Iyoobi 9:19

Giidoona ta qiicceyaachemmoyich, bi giidechone; tagge ta nalleyaachemmoyich, nallee gabberooch biin giddiyemmo konine?

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 55:22

Neen maggeti mooyon Doono Yeeri toommooch dufe; bi neen deggemmone; bi, cadiqe asho dihemmoyich tuniyaachemmone.

Shoddo 62:11

Yeeri ikke wottoon gettiye; tawoo ebin gutte wottoon waayehoye; giidoo Yeerichone.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Shoddo 62:9

Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.

Shoddo 66:7

Bi hakkoona bulli yemeenoon qeejjemmone; bi aafo aageteenaꞌon ciinnii beetone; hukkechinaꞌo geecoona bi toommooch tiyaayeete.

Shoddo 93:1

Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 30:29

Tunebaani yaafeeti baaroobee xum ittoshi shoddee beetoommon shoddemmo ittoshine; Israꞌeeleenaꞌochi Xaqqee Inderoo tuneti Doono Yeerichi guudooch, shumburoon huggiibee hammiibeeti ashichoommon ittoshi mullo emiremmone.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 33:27

Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.