Isiyaasi 26:21 - Kafa Linguistics Project

²¹ Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 26:21 ပူးပေါင်းရင်းမြစ်များ

Iyoobi 16:18

“Showoocho, ta damoon aachi echiyaahine; ta cookoo kote kashaaye.

Iyoobi 20:27

Shimaayoo xuqqito bi tunoon bekkiyemmone; showoo bi toommooch tiyemmone.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Isiyaasi 13:11

Doono Yeeri ishichiye: “Alemoon bi gondoyich, gondeenaꞌonoo boonoshi axaaxoyich, naxemmo taane; geecechinaꞌochi geecoon kindiyemmo taane; maacmanjeenaꞌochi geecoonoo giishiyemmo taane.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Isiyaasi 22:14

Beshe Mawe Doono Yeeri bi qelloona taach ishichiye: “Ebi ittoshi axaaxoo ittoshi qitimmi wottoon ittoshich maareyaachemmone” iye Beshe Mawe Nuggishoo Doono Yeeri.

Isiyaasi 29:6

Beshe Mawe Doono Yeeri, gigoon, showee qewoon, ooge qaaroon, yubee yongoon, showee shuuroonaa ciroona aalliibeeti qaaqqoonon deejjiree neen wodiyemmone.

Isiyaasi 65:6

Ebiyoche, ta aafooch kooreetone; cikki qayaachemmo taane; boonoshich qoccemmo taane; boonoshi shuunoommon boonoshich shuunemmo taane” iye.

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Isiyaasi 66:6

Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.

Hiziqeeli 8:6

Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.

Luqaasi 11:40

Hini mullaalleenaꞌote, maachi achoon hallito maacichon wotta hallaache?

Luqaasi 11:50

Yeeri alemoon bi halliti aaboochee tiijjiꞌi ufeti keemechinaꞌo bulli damoon Abeelichi damoochee tiijjiꞌi, deejjee gudoonaa yaafee kechi gutte daggoonoochaa boonoshi wuxiti Zakaariyaasichi damooch beddaahaa, ufeti damoon Yeeri hini yemeenee asheenaꞌo waanee echemmone. Andoo ittoshich gettoye: Hini yemeenee asheenaꞌo waanee echemmone.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 18:24

Are Baablooni katemee daggoochoo keemechinaꞌonaa yaafeenaꞌonochi damoo, showoochaanoo guuraa qititi asheenaꞌo bullichi damoo danetone.