Isiyaasi 26:20 - Kafa Linguistics Project

²⁰ Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 26:20 ပူးပေါင်းရင်းမြစ်များ

Halloo 7:1

Doono Yeeri Noohich ishichiye: “Hini shiijjeree daggoochee ne ikkeeto baach ta aafooch cadiqe asho tunaꞌa daneto neene. Ebich ne kechi asheenaꞌo bullin yeshi markabooch gibe.

Halloo 7:16

Yeeri Noohich bi gettitoommon, meenon tahetinaꞌo bulliichee anaamaa maachee tuneꞌi giyiyeete. Boonoshi giyitoyee gubb, Doono Yeeri markabee kelloon gubbaa hicciye.

Iyoobi 14:13

“Maash taan aachishoo geta! Ne kaaro beshemmi wottoon taan aachishoo geta! Aaboon taajjeree wochinnoon taan shalligishoo geta!

Shoddo 143:9

Doono Yeero, ne shoobooch ta giyetoyich, ta etteenaꞌo waanee taan wodiibe.

Shoddo 17:8

Ne aafee aachoochoommon taan quyebe; ne qoshee yiiroochoo taan aachibe.

Shoddo 27:5

Ebiyoo xuuxee aabooba, bi duukkaanooch taan aachemmo, bi duukkaanee maacoo taan qeremmo, shiishe xaqqee toommoochoo taan neechemmo, bi tunetoyichiye.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 31:20

Asheenaꞌochi koceyoochee, ne beeyi xaaꞌooch boonoshin aachihine. Boonoshin taggeebeeti heciyoochee, ne duukkaanooch boonoshin qerihine.

Shoddo 32:7

Ne taach aashee xaaꞌoo neene; xuuxoochee taan quyemmo neene; wudee danee shoddoon ta guudoona tuniihine.

Shoddo 57:1

Taach ariqqebe; Yeero, taach ariqqebe; ta kashe ne shoobooch bi giyetoyich, yubee yongoommi aallo beshemmi wottoon, ne qoshee yiiroon shoobo tuniyemmo taane.

Shoddo 57:2

Taach bi gabiton ceechiibeeti Yeer waan, Beshoo Yeer waan cookiyo.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Shoddo 94:13

Gondeenaꞌoyich oppo iichemmi wottoon boonoshin xuuxee aaboochee kashiyemmo neene.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Shaahiyoo 22:3

Mullechi asho hayibo womon beeggiꞌi bi qelloon aachiye; tunebaani tuushoo arooch hammii giyiꞌi xuuxehe.

Isiyaasi 10:25

Ittoshi toommooch ta kaareti kaaro giisheche aaboyee gubb neexemmone; ta kaaro boonoshi waan guudiree, boonoshin aalliyemmone” iye.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Isiyaasi 51:4

“Ta asheenaꞌote, ellebote; ta aageteenaꞌote, waayebote: Sheeroo ta waanee kechii beetone; ta dayinnetoo asheenaꞌoyich bekko tunemmone.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Erimiyaasi 31:14

Qeesheenaꞌon, beshaa beshoon michiyemmo taane; ta asheenaꞌoo ta deꞌittinoona michemminaꞌone” iye Doono Yeeri.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Hiziqeeli 11:16

“Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Maatiyoosi 6:6

Tunetaa ne corootii beegaata, ne gatooch giyiree ne gifoon hiciichi bekkeyaani ne Nihoo Yeerich corootibe. Arooba aashoona ne tunii beeton beeggiibeeti ne Nihoo Yeeri neech wojjemmone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.