Isiyaasi 26:2 - Kafa Linguistics Project

² Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 26:2 ပူးပေါင်းရင်းမြစ်များ

Shoddo 106:5

Ebiyoo ne kaaccetinaꞌo gaannoon ta beeggemmoyich, ne asheenaꞌona tookki ta emiremmoyich, ne hajjee asheenaꞌona tookki oogoona ta bekkemmoyichiye.

Shoddo 118:19

Aroona giyiree Doono Yeerin ta galletemmoyich, yaafee kechi kelloon taach qechibote.

Shoddo 118:20

Hini Doono Yeerichi kelloone; cadiqeenaꞌo aroona giyemminaꞌone.

Shoddo 24:7

Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.

Keyo 19:6

Taatoo Yeeri taach maddeebeeti qeesheenaꞌon, yaafeeti aagetoon tunemmo ittoshine’ gete. Israꞌeeleenaꞌoyich ne gettemmi qaaro ebine” iye.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Isiyaasi 54:14

Cadiqittinoona hecceyemmi neene; neexxii hajjoo ne waanee wokkemmone; ebich shataachemmi neene; keqqoo ne waan katinaachemmone.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Isiyaasi 60:11

Asheenaꞌo aageteenaꞌochi gaannoon, yixiibeeti boonoshi taateenaꞌona tookki deebemminaꞌo boonoshi tunetoyich, ne kelleenaꞌo xumoonaa areddoonon, bulli aabooch hicheyaachemminaꞌone.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 62:1

Bi cadiqittino haree bekkoochoommon, bi wodoo gippee aaxxoochoommon, bi bekkammi wottoon, Tsiyoonichon cikkaache; Yerusaalemichonoo kasheyaache.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Zakaariyaasi 8:20

Beshe Mawe Doono Yeeri ishichiye: “Meeti katemoochee dofee asheenaꞌo woyemminaꞌone.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

2 Pheexiroosi 3:13

Tunebaani bi gibenikkiti gibenoommon, cadiqittino beeyemmi andire shimaayoonaa andire showoonon quyaabeeto noone.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.

Yaaꞌoo 21:24

Aageteenaꞌo bi bekkoona shaꞌemminaꞌone; showee toommeexi taateenaꞌo boonoshi oogoon bi waan deebemminaꞌone.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;