Isiyaasi 26:19 - Kafa Linguistics Project

¹⁹ Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Isiyaasi 26:19 ပူးပေါင်းရင်းမြစ်များ

Iyoobi 14:8

Bi cammo showee daggoochaa geenetaanona, bi xugo shuuqqitaanona,

Iyoobi 29:19

Aachi gashooch becheeti, xumoona doshoo (caagibano) bi toommooch kindiibeeti mixon shaahiyoye.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 22:15

Ta giidoo shuuqqii gochoon shaahiye; ta heciyoo ta killooch xaaqqeehe; qitee buttooch taan duppehine.

Shoddo 22:29

Showee toommooch beeti michitinaꞌo bulli biich goyinnemminaꞌone; maash hammechinaꞌo, kashoona beemoyich hakkoo muccetinaꞌo bi aafooch goyinnemminaꞌone.

Shoddo 71:20

Meeti xuuxoonaa iritoonon ta beeggemmoyich ne tuniitaanona wochinnoon kasho ta wochemmoyich tuniyemmo neene; showee duchoochee wochinnoon taan kichemmo neene.

Shoddo 88:11

Ne shoodo maashoochaa ne gibeneyoo aallee xaaꞌoochaa, getteeyehe?

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Hosee'i 13:14

Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Maatiyoosi 27:52

Maashee oppeenaꞌo qecheeheete; qititi yaafeenaꞌoochee meetinaꞌo kashecho tuneꞌi tiyiyeete.

Maatiyoosi 27:58

Arooba Phelaaxoosi aafooch giddeꞌi, “Yesuusichi cahoon taach imbe” iꞌi qollehe. Phelaaxoosiyoo bi ginechon imbe iꞌi gettiye.

Mishiraachechinaꞌo 24:15

Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Yibbaatoo 33:13

Yooseefi yoodoochon ishichiye: “Doono Yeeri boonoshi showoon, shimaayoochee doshoon (caagibanoon) kindiyoona, showee dechiichee aacon xuuphiyoona, diiribe.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Filipphisiyoosi 3:10

Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

1 Saameeli 2:6

Doono Yeeri wuxiye; wodiinoo iye. Siꞌoolooch daachiihe; aroocheenoo kichiye.