Isiyaasi 26:18 - Kafa Linguistics Project

¹⁸ Yeqqefechi maachechoommon maaxoo manjeto noone; yongoon shiyeto noone; showee toommooch wodoon deebaano noone; showee toommooch shiijjaa shiijjereyaanoo noone.

Isiyaasi 26:18 ပူးပေါင်းရင်းမြစ်များ

2 Taateenaꞌo 19:3

Boonoshiyoo hammiꞌi, Isiyaasich, “Hiziqiyaasi ishichiye: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa agaatoyich hakkoo guuteeti maacheen shaahito noone.

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Isiyaasi 33:11

Maayi maaxxoon xifeꞌi tulloon shimoommon, ittoshi gabiibeeto bulli gaacaallo tunemmone; ebich ittoshi kachiibeeti hiinno qaaqqoochoommon ittoshin michemmone.

Isiyaasi 37:3

Boonoshiyoo hammiꞌi, Isiyaasich “Hiziqiyaasi ishichitone: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa, agaatoyich hakkoo guuteeti maacheen shaahito noone.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Hosee'i 13:13

Maaxoo manjeti ureechoommon xuuxo biich woyemmone. Tunebaani bi, ariyoo biich aalli bushoone. Bi shiijjemmi aabo shagiyooba bi indee maacoochee keyon qaawaani bushoommone.

Yowannisi 7:7

Alemo ittoshin bi shixxemmi naboo aalloone; tunetaa bi shuunoo gondo bi tunoon ta miixaa beetoyich, taan shixxiye.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

1 Saameeli 11:13

Tunebaani Saaꞌooli “Hanaachi aabo Doono Yeeri Israꞌeeleenaꞌon bi shiweti aabo bi tunetoyich, hanaach ikke asholla qitaachemmone” iye.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.