Isiyaasi 26:1 - Kafa Linguistics Project

¹ Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 26:1 ပူးပေါင်းရင်းမြစ်များ

Iziri 3:11

Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Shoddo 31:21

Giicheeti katemooch ta beehooba, worganeeti bi shoodoon taach bekkiiti, Doono Yeeri galleteebe!

Shoddo 48:12

Tsiyoonin guudote; bi guudoona shaꞌebote; bi dilaaleenaꞌon haddibote.

Shoddo 48:4

Taateenaꞌo ikkooch kiceeheete; ikkotteꞌi waaheete.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 14:31

Kelleenaꞌoochaa woowo getote! Katemeenaꞌoochaa cookibote! Filsixeemeenaꞌote, ittoshi bulli shatona muuyote! Dambi-waanee cufoo ittoshi toommooch cufitone; bi ginee naayoochee gubb echeebeeto ikkolla aalloone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 31:5

Kafee bi kechi toommooch bi qoshoon yaggaꞌa bi bushiishoon bi quyoommon, Beshe Mawe Doono Yeeri ta, Yerusaalemin quyemmo taane; biin gaache wodiyemmo taane; biin shiwe wodiyemmo taane.

Isiyaasi 31:9

Boonoshi mishigo keqqoona dihemmone; boonoshi ginee iraasheenaꞌo baanderoon beegiichi keqqoona aallemminaꞌone” iye bi qaaqqoo Tsiyoon, bi qaaqqee sheelloo Yerusaalem beeti Doono Yeeri.

Isiyaasi 33:5

Doono Yeeri bulliyee beshoone; bi beeto damba shimaayoochiye. Biyoo Yerusaalemin dayinnetoona, cadiqoonoo ceechemmone.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 5:1

Ta shunachochon, bi woyinee goyoochonoo shoddebona; ta shunechoyich woyinee goyo, qeemi geppee toommooch beehe.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Isiyaasi 62:11

Doono Yeeri showee toommo bulliich ishichiꞌi awaajjitone; “ ‘Ittoshin Wodiyecho waa beetone; bi wojjoo bi kishoochiye; bi qoccemmi gatiyoo bi aafooch beetone’ getiree, Tsiyooni maache busheyich getote” iye.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Hiziqeeli 40:5

Ebiyoche yaafee kechi guudo bulliich xaqqee duuho beetone; uroochi kishooch shiritte hira bede qeellee yaaboo beetone; uxeroon bi qeelletaa bi taggoo ikke yaaboo, bi neexo ikke yaaboo tunehe.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 2:9

“ ‘Ta mochoon ittoshi toommooch tiijjemmo taane. Guuno tuniiꞌi ittoshi hajjitinaꞌo wochiree ittoshin boggemminaꞌone’ gete” iye. Ebi tunehooba, Beshe Mawe Doono Yeeri, taan wocheto tunoon ariyemmo ittoshine.

Haddoo 21:17

Arooba Israꞌeeleenaꞌo ebi shoddoon shoddeheete: “Hini aachi oppoocho, aacon kichibe! Eke biich shoddoon shoddebote.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.