Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isiyaasi 25:9 - Kafa Linguistics Project

9 Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

အခန်းကိုကြည့်ပါ။ ကော်ပီ




Isiyaasi 25:9
53 ပူးပေါင်းရင်းမြစ်များ  

“Doono Yeero, taan ne wodiyemmoyich quyaabeeto taane.


Showee toommo bulliich beetinaꞌote, Doono Yeerich ililibote.


Wudee ne danoona ililemmo noone; no Nuggishoo shigoona no baanderoon hashakkaayiyone; Doono Yeeri ne qollo bullin neech ceechibe.


Doono Yeero, biich giidoon ne immetoyich taatoo emiriye; wudoon ne daniitoyich emiroona wucwucciye.


Doono Yeerin gibenebe; kupphebe; ne mullo goggebe; Doono Yeerin gibenebe.


Doono Yeerin gibenehone; bi noon gaacheebeeti deeboone.


No mullo biinna emiriye; ebiyoo yaafe bi shigoon no gibenetoyichiye.


Ta, girecho, amaalli hulloo taane; tunebaani Doono taach gabemmone. Ne, ta gaachoonaa taan wodiyechona neene; ta Nuggishoocho, yagiyaahine.


Ebin ne tuniigaata, Tsiyooni addibaaboochaa ne galleto bullin gettemmo taane; taan ne wodiyoona emiremmo taane.


Ittoshi waataa Doono Yeerich shoddebone; noon wodiiti no xaqqee guudoyich ililibone.


Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.


Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.


Barahoonaa shuuꞌi showoona emiremminaꞌone; barahoo emiriree, aadillee bungoommon bungemmone.


Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.


Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.


Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.


Andoo no Nuggishoo Doono Yeero, showee taateenaꞌo bullichi Nuggishoo, Doono Yeeri ne ikkeeto baach ne tunoon boonoshi ariyemmoyich, bi kishoochee noon wodiibe” iye.


Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.


Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.


Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.


Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.


Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.


Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.


Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.


Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.


Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.


Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.


Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.


ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.


Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.


Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.


Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.


Illa ta maneenaꞌote! Doono Yesuusina emiribote. Ikke mooyon wochinnoon wochii ta koorigaata taan taahiyaache; ittoshichoo wotta gaaccemmone.


Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.


Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.


And asheenaꞌo baribare gommona ittoshin boonoshi xuuxii beetoyich, giisheche aaboyich baach ayiniibeeto ittoshi tunetaanona, ebich oogeton emiribote.


Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.


Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.


Ebi mooyinaꞌon gettiibeeto “Eeha, kaateree woyemmo taane” ii beetone. Ameena; Doono Yesuuso, wobe!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ